بقلم/ الإعلامية هبه عزازي..
-بقولك يا حاجه
-نعم يا بنتي
—عرفتي ان الدولار سعره إرتفع
-دولار مين يا بنتي وأنا مالي
– اتفضلي يا بنتي تعالي اتغدي معانا عاملين بط ومحاشي وملوخيه
-تسلمي يا حاجه لسه والله متغديه بألف هنا وشفا
-بقولك إيه يا أستاذه
-إتفضلي تحت أمرك
-والله يابنتي أنا بدعي لمصر إن ربنا يحفظها ويحفظ ولادنا إللي -بيحموها. وتفضل في أمان وستر. وصلي كلامي يابنتي
-حاضر يا حاجه عنيه ليكي
-تحبي أصورك.
-لا يابنتي الشيخ أبو العيال يزعل
-حاضر إلا الشيخ مش عاوزينه يزعل ده البركه بتاعتنا سلمي عليه وخليه يدعيلي قوليله إدعي لهبه وخليه يدعي لبلدنا مصر
تعظيم سلام لسيداتنا باالأرياف وفلاحينا وناسنا الشقيانه إللي كل همهم الأمن والأمان والستر من الرحمن. ربنا معاكي يا 🇪🇬 مصر
تعظيم سلام
