بقلم محمد ابراهيم دبور
الــزَّفـَّـة …… !!!
هو الفَرَحْ بَقَى عـَـزا ؟؟!!
ولاّ العَـزا بَقَى فـَـرَح ؟؟؟ !!!
الكـُل فِ الـزَّفـَّـة !!
مَكتوب علينا القَدَر ..
من وِاحْنـا فِ الَّلفة
لأ .. واحنا ف النطفة
مكتوب علينا نعيش
مكتوب علينا نموت
وكله بـِـمـْعـادُهْ
مهما هـِرِبْـنا … الموت
هايجينا فِ مْـعـَادُه !!
مكتوب علينا الرزق
مكتوب علينا الفَرْح
مكتوب علينا الحزن
وكله بـِـمــعـادُه
يا مؤمنين بالــقَـدَرْ
راضيين بمكتوبُه
هاتعيشوا وتموتوا
سُعَدا بمكتوبُه
عشان رضيتوا القَدَر
ورضيتوا مكتوبُه….
*****************
هو الفرح بقى عـَـزا ؟؟ !!
ولا العـَـزا بقى فرح ؟؟؟ !!!
الكل فِ الزفة !!!
الحزن ليه هنا طَرَحْ ؟؟
وسقانا واتشفى
والعدل منا سَرَحْ
وما عدش له كَـفـَّـة
مطلوب يموت الفقير
كبش الفدا دايما
حتى المريض انكوى
ما لحقش مستشفى
خرج بِـيـتـكَفَّى
عشان يعيشوا سوا
الظَّلَـمَـة تتشفى !!!
واحنا العَجَازى هنا
واقفين بنتفرج
قاعدين بنتفرج
نايمين بنتفرج
ع الحِلم نام بدرى
ولما جينا نقول
يا حلم قُومْ .. إجرى
قام الجَدع م النوم
يِمْشِى وِيِـتْـكَـفَّـى … !!!!
********************
هو الفرح بقى عزا .. ؟؟ !!
