كلمات/ السعيد الحديدى
راح فين زمانك يا شوقى
راح فين غنا … سوما
عشنا وشفنا …. الغراب
بكتب غنا …… لبوما
فين القصيدة العربية
كان وزنها ١٠٠ ال ١٠٠
كانت المعانى متنقيه
نعمل علشانها تحية
مع الاعتذار لكتير كتاب
لهم معانى وحسن خطاب
واللى لكلامهم ألف حساب
وهما دول لينا عز أحباب
وفيه كتير نقرا كلامهم
تعالوا شوفوا أشعارهم
علم العروض . مخاصمهم
حتى الخليل زعلان منهم
والوزن ماهو فى حسابهم
واحد بيكتب … للفاكهه
وممكن يكتب للخضار
لاكن اللى مش ممكن أبدا
واحد يقول أحبك يا ……
يا صاحب الفن حاسب
ع …. اللى باقى …. فيه
وصحح العلم إوعاك
يوم تفرط ….. فيه
وان شفت كاتب جديد
بشطح وهو …… بألف
انظم . عشانه .قصيده
وانقده ……… واهجيه
وقوله لازم … يا شاعر
قبل ما ………. تكتب
راجع كلامك …. بدقه
واوزنه ……… ونقيه
عايزين كلام ف الأدب
وفن جميل ……. يمتعنا
وكاتب الشعر بعد ما ينقيه
يطرب بيه ….. مسامعنا
واللى معاه كلمه حلوة
يلا يقول ……. يسمعنا
نسعد معاه … بالأدب
ويبقا . للحياة …. معنا
