بقلم الشاعره : هناء جوده

………………………………

ياللي عايزين تعرفوني
إوعوا عنّي تسألوني
إسألوا الحلم اللي نايم
فوق جبين العمر عاجز
إسألوا العمر اللي عايز
بس مش طايلين إيديه
تعرفوا أنا قد إيه
مدمنه الملح اللي نازل
ف الدموع ع الخد يجري
مدمنه الحزن اللي ساكن
بين ملامحي وجوّه عمري
إسألوا الليل اللي رافض
لحظه واحده يطُل فجري
وامّا توصلكوا الإجابه
يومها بس هتعرفوني

ربما تحتوي الصورة على: ‏‏‏‎Hanaa Goda‎‏‏، و‏‏لقطة قريبة‏‏‏