يا حيط ياللي ساندني عارفك طري وليين

سبتمبر 30, 2018سبتمبر 30, 2018 عمر الشامي

[ad id=”66258″]

يا حيط ياللي ساندني
عارفك طري وليين
وبرغم الحمول فياا
ساكت ولاَ مبيين
حاضن تعب مهموم
صوّانك حنيينمفيش يا حيط سؤال عني
ولا حد يا حيط بيسألني
من الإحسان .
أكون محتاج .. أكون شبعان
أو حتي لقمه للي جعان
وأنا الصايم .. أنا العطشان
عشان عنهم أنا ممنوع
عشان مقطوع .
ولو هسمع كلمه لو حلوه
عندي يا حيط بـ ١٠٠ موضوع

عشان زيهم إنسان
يا حيط جيتلك وأنا تعبان
من كُتر اللف والدوخه
بقيت نعسان
ومتقطع أنا مني
عجوز الهم يا حيط
أنا كبرت من سني
[ad id=”87287″]
تعبااااان يا حيط
موجووووع ياحيط
ومش شايف أمل ليااا
عَميه الدنيا فـ عنيااا
م أنا المولود .
وطارحه الجراح فيااا
ومش بـ ايديااا
عليها أنا جيت
ولما وعِيت …
أنا اتخضيت .
من قبل م اكون
أنا اتهديت .
أنا اتشلت من فرحي
في كسري وحُزني اتحطيت