[ad id=”1177″]
كلمات – احمد غندر
علمتوني الخوف ألوان… حتى الجرح كمان ألوان
بس الآه ف لغات العالم… زي ماهيه في كل مكان
لما بشوف الظالم يضحك…. بمشي وإداري ف الأحزان
عايز أصرخ صرخه قويه… بس كفايه ياناس طغيان
علمتوني الخوف الأسود… اللي بيرضع م العبوديه
علمتوني الخوف الأبيض….اللي بيمشي بالسلبيه
علمتوني الخوف الأحمر… اللي بينزف م البشريه
[ad id=”1177″]
عايز اقول للناس القاسيه… راحت فين كل الأديان
علمتوني إداري الحق… ولا افكرشي ف كلمة لأ
تبقى الكلمه ف طرف لساني… ترجع تدخل جوه الشق
بعد ماقلبي يموت جوايا….يرجع قلب الحق يدق
لو كان خوفي راح يحييني…. أرفض إني أحيا جبان
لولا الخوف اللي بيملانا…. كانت الدنيا بقت ثوار
كل عبيد الخوف جوانا… ح تشوف عالم م الأحرار
عجبي ياناس ع الدنيا بحالها… ناسيه الجنه وناسيه النار
أصحى ياعالم قبل ماتغرق… دايماً آخر الظلم طوفان
…علمتوني…
[ad id=”1177″]
