............ البلياتشو ............ - الجمهورية اليوم دوت كوم

[ad id=”1177″]

كلمات الشاعر أبن “قرية غزاله ” : محمد علي

الأسم عايش والسلام
والكل حافظ الكلام
والسن في الأحزان دا ضايع
والمهنة عايش علي الأحلام
أنا اللي أول مايشوفني بضحك
ميبطلوش فيا كلام
وإلي يقول دا باله رايق
واد ماشيه معاه الحياه
وإلي يقول مش دا إلي يبكي
دا البكي ملوش في قلبه مكان
دا إلي شايفينو قصادكو
مجرد ورقه في ذكريات
الضحك اللي شايفينو بعينكو
دا مجرد مشهد بيتعاد
مشهد فيه الزمن ضحكلي
مرة واحده في الحياة
عمال أنا في المشهد بعيدوه
لعند ماملات من كتر مابيتعاد
وبعاند الحزن في قلبي
بعانده وأيفيد ب أية العناد
أنا الي أنكتب لقلبي
من يوم ولادته شهادة الوفاء
قلبي في الزمن دا ميت
قلبي كان وكان وكان
كان بيكسر كل حاجه
تمنعه يكونله كيان
كان بيحلم أن حلمه
يتحقق في يوم م الزمان
كان فاكر أن حبه كان بجد
مكنش يعرف أنه أوهام
مع كل دا برضو هضحك
بس من قلبي دا أحتمال
وكم من عمرنا عدي
وأصبح ذكري نحكيها
وضحكتنا بقت شاردة
وكنا زمان نغنيها
كبر الطفل إلي جوانا
وكبرت كل حاجه معاه
بقا عايش دلوقتي معانا
شخص نفسنا ننساه
ياه لو الزمن يرجع
وترجع كل حاجه معاه
يرجع الطفل وبرائته
والضحكه إلي مجنونة
ولا عناده وشقاوته
ومشاكله إلي بسهولة
ويرجعو لينا صحابنا
اللي كبرو دلوقتي
واللي نسيو كل حاجه خلاص
وشغلهم الزمن عني
ويرجع كل شئ حلو
كان ياما كان
ضاع منا دلوقتي
خلاص الزمن إلي كان ماله نهايه
دلوقتي هعيشو علي قدي
ف أنا البلياتشو ياساده
أنا البلياتشو ياساده
مهرج أنا طول عمري
واللي بيظهر علي وشي
عكس تماما للي في قلبي
بدوس علي نفسي وأستحمل
عشان خاطر أسعدكو
بدوس علي قلبي مهما كان
بموت لجل أنتو تنبسطو
أطير في الجو واطنطط
وأمشي علي حبل ضعيف مفتول
عايش حياتي متمرط
حلمي طلع في نهايته كابوس
لو عرفت اللي جوايا
مكنتش عمرك تشجعني
الضحكه اللي علي وشك
مابتسعدنيش…
لا بالعكس دي بتدبحني
ورسمت الضحكه كالعاده
وجوا مني جرح غويط
أنا المجروح ياساده
ودايما تلاقيني سعيد
بداري الوجع في دموعي
وأكتم مهما كان في قلبي وبشيل
ومجرد ما أبقا لوحدي
يبدأ دمعي في ثنيه يسيل
أنا الي عكس الظاهر
أنا إلي عمري ماكنت سعيد