يادنيا أخـــرة سـكـتك — مــوديانا لــــفين
دبلت ورود ضحكتك . والزهـر ماله حــزين
ماشين علي خطوتك . في محبتك هايمين
تايهين ف عتمة غربتك عن سكة الصالحين
يادنيا أيـه أخـرتك .. غـير الـتراب والــطين
.
عيوبنا بـحــر رمـال .. ذنوبنا صخر جبال
شاغلنا عـذر المال … عن الصلاة والدين
متعلقين بحبال … دايبه في وهم وخيال
كـأن مـوتنا محـال .. وللأبـد . عـايشين
.
وف سكتك تايهين .عشاق هوي الملايين
اللي انشعل بالمال … وراكب الليموزين
يصرف يمين وشمال يبخل في حق يتيم
.
وناس عايشة في اللذات .. حبهم للــذات
بيضيعوا في حسنات تنفع في يوم الـدين
طايرين ورا الجنيهات م الأرض للسموات
وبيعشقوا الدولارت عشق بهوس مجانين
.
ويغـنوا فـرحــانين … بالذنب مش حاسين
وان شافوا رجل الدين قالوا ده يطلع مين
وصراع مابين اقطاب . وحرب بين احزاب
في غياب اولي الالباب . اختلت الموزين
.
وان طالت المسافات بين الممات خطوات
وحساب علي مخالفات وفي الكمين ملكين
ويادنيا . هتودعي . شياطين وبني ادمين
يصرخ يقول ارجعي عاصي اشتراكي بدين
كلا خلاص انتهت .. ما كنت فيها سنين
———————–
كلمات / مسعد ابو همسة
الـدنيا شغلتنا
