[ad id=”1177″]
بعد ماسبت الراجل العجوز
كملت رحلتى
وفى حته ضلمه ع الرصيف
لقيت بنت صغيره
معاها طفل بتحابيه
قولت لها اسمك إيه
بصت لى بصت خوف
وقالت ليه يابيه
أنا وحدانيه من زمان
لا ليه أهل
ولا حتى بيت أمان
الرصيف هو بيتى
ووسادتى حجر صوان
والطفل اللى على دراعى
[ad id=”1177″]
غلطة زمن
إوعى تكون
أنت أبوه ؟
أصلى عشت الخطيئة
سنين عجاف
أول ماظهرت معالم انوثتى
بقيت سبيل
كل اللى حابب بشرب
يقرب ياخد شفته
أو شفتتين
حاولت ما أكون
سبيل للعطشنين
لكنهم صمموا يشيلونى
هم فوق كل الهموم
وبقيت سبيل للمحرومين
لما التعب أخد منى رقات
[ad id=”1177″]
وحسيت إنى بنت
عمرى عدى السبعين
وانا لسه بنت إل 13
شوفت مأساتى يابيه
انا كنت غلطة زمان
حتى إبنى
خايفه علية
لما يكبر أقوله إيه
لو سألنى عن أبوه
هو مين .. أسمه إيه
ثروت_كساب
