انا "هايمه "باحلامى"... - الجمهورية اليوم دوت كوم

مابين موجه وميه…….
حلفت لاكون انا القوه
واشيل الهم بايديا
حلفت اكسر حدود عقلى
واسرح بره تكوينه …..
وافك لجام قيود قلبى
ارسم فرح تلوينه ……
واعدى حاجات كتير
قاسيه بتتسرسب فى
شرايينه …….
هعدى حدود واهد سدود
اسابق الريح بغنى وتفاريح
بترقص هى والميه…
اعيش رهوان كخيل جامح
شاهر حبه قصد خاين قصد
جلاد واثور واعلن كمان اضراب
وتنزل مطره مجنونه فى عز
الصيف…….تصحى ورده دبلانه
عاشت تخاطيف…
اعيش قصه اعيش موال
انا حره وهنقش حبى ع الحدران
وهحفر اسمى ع الميه …..منا حره
وهسبق حلمى بمراحل ومش هرجع
الم ف ذكرى هنا شاخت ….
لا اعيش عمرى بقا بفرحه
تكون طارحه امل وهيام
لا مات قلبى ويبقا حداد
لامل كداب ….انا حره