[ad id=”1177″]
كلمات : أمل رفعت
(لاسكندراني)
يعني إيه يا قلبي معنى
اسكندراني
يعني بحر في حضن مُوجهُ
والأماني
يعني شبْ يقول الحق ولا يوم
يداري
يعني يحلم تبقى بلده ع الخريطة
بنت بلده تعيش وتتستر أميرة
والولد يتعلم ازاي يحقق أحلامه البسيطة
والجعان تكفيه حتة الجبنة وسميطة
والشبعان ينام ما يقوم يلاقي نفسه ع الحديدة
لاسكندراني
ايوة هو في الأنفوشي ماشي يعلن الضيافة
اسكندرية فيها قصور ومنابر كتيرة للثقافة
كان فيها مسارح نقصوا واحد مش حكاية
ما الروماني لوحده يا ولاد البداية
فيها كورنيش طويل
وساحل ع اليمين وانت داخل
وايه يعني لما تقطعه الكباري
وتقل فيه الشواطئ و المداخل
[ad id=”1177″]
واسكندراني يتجرأ يقول وهو واقف ع الرصيف
الرزق أقل ليه يا هو ميجبش حتى لقمة ف الرغيف
تسكته قوام القضية
على باب محكمة الحقانية
اسكندرانية
محامين بيطالبوا يتنفذ الحكم في القضية
ويتزحلق ابن بلدي ع السلالم وهو نازل
مخدش باله ليه يا ناس من المهالك
عشان جدع وأصيل ولروحي مالك
انا قلبي متعلق بقلبه من سنين وله منازل
لاسكندراني يا ناس بحبه مهما جازف
مهما ندد بالمهازل
من غير رغيف
من غير سميط
من غير أمال
عمره ما باع القضية
ورغم ذلك
بيحسدني على حبه العوازل
[ad id=”1177″]
