الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

خير الأعمال

- Advertisement -

ادعي لسبيل ربك . بالحكمة والموعظة

الكــل هيحـبك . وتنـول ثواب العظة

خــليـك أمـين . ودعـــوتـك بـاللـيـن

تفتح قلوب ملايين . وتحقق المعجزة

متسبش اخوك غرقان في بحر ذنوب

وتلوم عليه لو شفت منه عيوب

لو سبته قولي مين اللي هينجيه

ياخـد أديه يدعيه . لـربه يتوب

لو كنت مخلص بتحب اخـوك لله

ازاي تسيبه يضيع . وترضي أذاه

مش خايف عليه من عقاب مولاه

مش خايف تكون نار العذاب مثواه

لومات اخوك ع الحال ده قدام عنيك

العيب عليك لومنتش سبب في هداه

متقـولش ده فـاسـد . سيبك منه

عاصي وناسي اخوه وأبوه وأمه

فرعون لما طغي ربك أمر موسي

يدعيه بحكمة وعظة ميخفش الأذي منه …

غرقان اخوك في بحور من الظلمات

طـوق النجاة . بالعـبرة وبالأيـات

طبطب عليه وقوله احنا اخوات

تعالي ننسي اللي فات وربنا يعينا

نزرع بذور الخير ونبدر الحسنات

بالحب في الله نحصد ما نتمني

ربك في ظل العرش من حر الشمس يحمينا

وناخد بأيد بعضنا وندخل الجنة

كلمات مسعد ابو همسة

- Advertisement -

قد يعجبك ايضا

اترك تعليق

يرجي التسجيل لترك تعليقك

شكرا للتعليق