بقلم -مهيتاب السباعي
إنت يا إنسان ليه بقيت بهتان و بتبكي كده ع الملأ..
إرجع تاني زي زمان .. مَوِتِّنا عليك م القلق ..
إنت يا للي ضحكتك كانت ماليه روحك و ِوشّك ..
كنا نقول عنك مَلِكْ .. طب إزاى ُحزْنَك يِكِشَّك..
الدنيا دار بلى ..ومين فينا مش مُبتَلى ..
كانت عليك ضحكه بتملى علينا الكون …
كانت طلتك تِسْعِد .. وبِتهَوّن حاجات ما تهُون
هى الدنيا كده لا فيها شئ ثابت ولا مضمون .
والدنيا بين ده .. وده … وكله بكلمه كُن .. بيكون
إنت يا اللي متعلق في الحبل القديم الدايب
عمرك لسه في ربيعه بس َشعْرك .. خلاص شايب
هَجرت ناسك و هَجرت حَيَّك .. ليه كده .. ده في ناس كتير زيَّك
إفتح الشباك وبص منه لبره
هتلاقي كل الناس مِتْباعه يجي ألف مره
إسمع مني يابهتان .. ورجّع لروحك الألوان
إرجع تاني زى زمان .. إرجع وأظبط الميزان
إسمع مني يا بهتان …
