الجزء الخامس والاخير.من خمسة أيام في الجنة انتشرت رائحه شياط جامده جدااا. أدركت مني أنها تركت الماء يغلي على البوتاجاز حتي كاد البرد يحترق بأكمله جرت علي البوتاجاز وشالت البراد ورجعت كي تطلب حبيبها وتطمئن عليه فبعتت رساله له عملت القهوة حبيبي ولا لسه انا عارفه انت بتعملها ع نار هادية بالمايه الساقعه صح
محمود محمود انت فين ولم يرد محمود عليها وبعد لحظات وجدت الماسنجر مكتوب عليه رساله قرأت الرساله ولم تستوعب ما حدث الرساله هي
هذا الشخص غير متاح ع ماسنچر. مني اكيد حد هكره الصفحه ايه اللي حصل وراحت تتصل بالرقم ردت الرساله الصوتيه الرقم المطلوب غير موجود بالخدمه
مني هو في ايه هو التليفون بتاعي حصله حاجه ولا ايه اللي جري طب ازاي ده حصل طب ابعتله رساله ع الوتس اه هو حد هكر الصفحه علشان كده مش بيرد اه اكيد ده اللي حصل اه هو حصل كده وفضلت مش مركزه وكانت نسيت أنها راحه تبعت رساله ع الوتساب كي تطمىن عليه وخياله عمال يودي ويجيب ويتهيالها أنه رد عليها وقالها معلش حببتي الصفحه اتسرقت مني حد هكرها وهي تقوله ولا يهمك حبيبي مش مشكله احنا مع بعض ع الوتساب مافيش مشكله خالص أو اقولك ممكن تنزل الايموه اه برنامج نتكلم عليه واحده صحبتي قالتلي عليه قبل كده كانت بتكلمني من السعودية عليه
محمود تمام حببتي هنزله حالا لحد ما اعمل صفحه جديده
وفاجاه تلاحظ مني أن صورة الوتساب مش موجوده وكأنها مش عايزة تصدق اي شيئ يقول إنه عمل لها حظر من ع الفيسبوك والوتساب بمعني ادق( خلع )
بالمعني الدارج يعني
مني انهارت وقعدت تفكر هي قالت ايه زعله منها كده او عملت ايه يمكن علشان قلتله ابني بيسال هتأمني مستقبلي ازاي مهو صحيح ماكنش ينفع ااقوله كده هو انا لسه صغيرة ولا يمكن علشان هو في مرة من المرات طلب مني اني افتح الكاميرا واكلمه وانا لبسه لبس نومي لاء لاء ده كان بيقول هنروح نحج ونعمل عمرة هو مش كده خالص الشيطان هيوسوس ليه ولا ايه اكيد اللي هكر الفيسبوك هكر معاه كمان الوتساب وفضلت في زهول من اللي حصل معاها يارب ده من نص ساعه كان معايا وعمال يكلمني ع العش الجميل والحياه السعيده اللي هنعشها مع بعض طب في أي ايه اللي جري انا مش فاهمه حاجه معقول كل ده كان مجرد كلام واحد بيتسلي معقول لا لا بيتسلي ازاي بس ده حاجج بيت الله هيعمل كده اه يعمل مايعملش ليه هو انا كنت شفته ولا اعرف هو اللي كان بيكلمني صاحب الصورة اللي بعته ولا لاء اكيد دي صوره لحد تاني ماانا غلطانه بردو كان لما يطلب مني افتح الكاميرا كنت برفض بحجه أن ماينفعش وكده كنت فتحتها وشفته وفضلت ع هذا الحال في زهول لدرجت أنها قالت حد الله بيني وبين الرجاله كلها انا كرهتهم انا خلاص حاسة اني هموت انا في لحظه واحده رجعت اكتر من 50سنه سن ع سني انا حاسه رجلي مش شيلاني انا هموت هموت والله
ومن هذة اللحظه وهي قفله ع نفسها ورافضه تتكلم مع أي حد حاسة أن ثقتها اتعدمت وحاسها أن كل الناس كدابين وأنهم كلهم محمود
انتهت القصه الذي عاشتها مني لمده خمسة أيام فقط
بقلم 🖋️سحر سالم قصه من واقع الحياه
الي اللقاء في قصه جديده نتعلم منها ونأخذ منها العظه الي لقاء جديد وقصة جديدة من واقع الحياه.
خمسة أيام في الجنة.. الجزء الخامس
