كتب ..عبده البربرى
الحلوة كانت صبية …. تخشى العيون من ضياها
كانت كريمة وسخية …. لكن زمانـــــــها ضناها
***
ياارض كونى طريــــــة …. على جسدها النحيل
ياماكات عليكى قوية ….وعالية كيف النخيل
***
ياحرقلبى عليكى ….. ياام العيون السود
اغلى ما عندك فاتوكى … يتهنى بيكى الدود
***
يا جدر من غير فروع … الارض اولى بك…
دفنوكى من غير دموع …حطبك و لبلابك
***
ست النسا و البنات … يا ما اكتر احبابها
بعد الوجع و الاهات … ما حد زار بابها
***
كان البكا بالساعات … من هم كان صابها
فضلت لحد الممات … حتى الولد سابها
***
يا قبر خليك رفيق … بالزينة لما تاجيك
معادش ليها رفيق … ولا حتى زاير ليك
***
فايته وراها المال … للى فاتوها كتير
فَنوه بِجَهل العيال ….. وغباء مع تبذير
****___اشعار …هناء جوده
