بقلم -دكتور سامح حليم
لما يجيلك حد مهموم او عنده مشكله واتكلم معاك وفتحلك قلبه بلاش تزود عليه بكلام متعب وكلام يتعبه اكتر لو حد قالك انا تعبان متقَلوش اصله كله تعبان لو جالك وقالك انا عندي مشكله بلاش تقلل من مشكلته وتهمشه اقعد اسمعله ولو معندكش حل رود عليه بكلام يهديه زي انت قدها انت ربنا معاك وبيسند قوله انا حاسس بيك وبتعبك هديه علي قد ما تقدر يمكن ربنا بعته ليك علشان تبرد النار اللي جواه بلاش كلام يتعب ياجماعه خلينا نجبر بخاطر بعض ونحس بالام بعض لان الموضوع زاد قوي وبقينا نعرف نوجع بعض قوي وقت الضعف ومبنصدق نلاقي حد عنده ضعفه او مشكله وندوس عليه ونتكلم عليه خلينا نرفق ببعض شويه خلينا نتعامل مع بعض بحب حقيقي نابع من ربنا لو كل واحد ستر علي التاني هنشوف بعض حلوين قوي
ومش معني ان واحد ضعف وغلط اننا ندوس عليه واننا نفضحه لا خلي بالك كل واحد مننا بيجيله وقت وبيضعف ساعتها لو مرحمتش حد محدش هيرحمك
جبر الخواطر
