سيد ابني كل حلمه يعيش
ويتوظف وظيفه حلوه طبعا ماهو خلص جيش
قدم في مسابقه وراح مقابله
اول سئوال اتسأله عندك واسطه ولا مافيش
والاجابه طبعا معروفه مافيش
قالوله ايه جابك قال يعني كنت ماجيش
ياخونه عيب كده دنا طالع الاول عا الجامعه
وقدوه حسنه في الجيش
راح لزمايله حكا حكايته قالوله ولا يهمك
في مطعم هنا عاالكورنيش
عايز جرسون قد الدنيا
وهيدوله كمان بقشيش
قبل يعمل ايه عايز يعيش
امه سمعت انه اشتغل مالت البيت زغاريت
واشي شربات لام حسن وشربات لام عليش
وقالت نعمله بقي الشقه ونعمله كمان كرانيش
ونجبله عفش عليه القيمه ونجبله كمان سفره ونيش
وسيد قاعد في شغله دخلت بنت ام عليش
بنت كده لونه شويه ومعاها واد بلبانه وبشعر كانيش
كلت وقامت تحاسب قالت خد الباقي بقشيش
سيد قال الله يرحم يابنت ام عليش
دانتي ابتدائيه ماخدتيش
وانا طالع الاول عاالجامعه واخد منك بقشيش
صحيح دنيا ماتساويش
شوف عايشه ازاي بنت ام عليش
وسيد كل حلمه يعيش
اسكندر عوض
قصيده سيد ابني للشاعر اسكندر عوض
