كتبت/ماجدة الروبي
“قسوة الغالي بتوجع” ودي مش مجرد جملة او كلام، لا دي اكبر حقيقه في الدنيا فعلا قسوة الغالي بتوجع وتكسر وتهد يمكن لما بتحصل من اي حد غريب مش بنتأثر، ممكن نزعل يوم ولا اتنين وخلاص لكن القسوة لما بتكون من حد غالي علينا وقريب لينا بتفضل معلمة فينا العمر كله ومبننسهاش ابداً لان مش بنبقي متوقعين اللي حصل ولا بنكون مستوعبين ان كل ده من اقرب واغلي ناس لينا……..
فكرت كتير في نفسي وناس حالهم من حالي وقولت اكيد في
ناس كتير انجرحوا ذي وفي ناس مش عارفه اوفهمه ويمكن بتتمنا تكونخ بتحلم أو بتقول يمكن أكون أنا إلي غلطانه
تعالوا نشوف ونقول لبعض لو في حد بيعمل فينا كده لازم نبعد ونقول لهم شكرا لحضرتك لغاية كده قلبي تعب ومش قادر يسامح بعد كل ده
١- أبعد عن إللى طبعه مش طبعك وإللى مالوش أصل ولا كبير عشان متصغرش نفسك
٢- أبعد عن الناس القاسية و حط تحت كلمة قاسية ١٠٠ خط إللى مالهمش عزيز ولا غالى
٣- أبعد عن الكدابين بتوع الحوارات وإللى بوشين عمرهم ما هيكونو مخلصين الإخلاص فعل خفى لا رقيب عليه إلا الضمير
٤- أبعد عن إللى هونت عليه مرة هاتهون عليه ألف مرة
٥- أبعد عن الشكاك والنكدى وإللى ضميره أسود بيبقى من وحاشه إللى جواه مفكر كل الناس زيه
٦- أبعد عن بخيل المشاعر الأنانى هيستكتر عليك أى كلمه حلوة تجبر خاطرك
٧ – أبعد عن إللى شايف غلطته صغيره أو شايف نفسه مابيغلطش أنت مش ناقص مرضى نفسيين فى حياتك
٨ – أبعد عن إللى تجبر بخاطره وتراضيه وتقربله وهو يفضل مكانه
٩ – أبعد عن إللى تسامحه مره وإتنين ويكرر غلطه بيبقى فاكر نفسه أذكى منك وإنك مابتحسش
١٠ – أبعد عن إللى فى شدتك عمرك ما لاقيته
١١ – أبعد عن إللى مابيحترمش ولا يكبر للكبير هيبقى شايف نفسه شبح وبيعمل الصح وهو قليل الأدب والأخلاق و عمره ماشاف تربيه
١٢ – أبعد عن إللى يصغرك قدام الناس
١٣- أبعد عن الكهين أبو دمعه الممثل هيجبلك الهم
١٤- أبعد وبس ما تبصش وراك تانى صدقنى إللى هيخسرك مش هيعوضك تانى
أبعد من غير ما تعاتب العتاب أتعمل للناس إللى أخلاقهم عاليه و إللى أنت لسه باقى عليهم
خليك باقى على إللى باقى عليك
إنك تنسحب من حياة الناس قليله الأصل دى مش نداله لا دى منتهى القوه والجدعنه مع نفسك ..
قرب لولاد الأصول إللى تقربلهم خطوه يقربولك ألف وإللى قعدتهم مش هم ونكد إللى مابيعرفوش يجيبو سيرة حد ولو أتكلمو على حد يتكلمو فى الخير
إللى لو ماكلمتهوش يكلمك هو يسأل عليك
قرب للشبعان القنوع إللى عارف يعنى إيه كبير مايرفعش عينه عليك وعارف يعنى إيه مبادئ وأخلاق
قرب من إللى يخاف ربه فى كل وقت
قرب للى قلبه حنين وأبعد عن اللئيم أبو كلمة وكلمة
قرب للغلبان وأبعد عن المنافق
قرب من إللى يحس بيك وأبعد عن إللى عامل أن قلبه عليك
قرب من إللى قلبك يميل ليه وأبعد عن الغشاش وحاطط عينه عليك
قرب من إللى بتمنالك الخير حتى لو مش هتشوفه فى حياتك
وأبعد عن إللى كارهك وعايز يكره خلق الله فيك
أصل دا بيبقى مرض فيهم مش فيك ……
وأنا بقولهم شكرا اتعلمت درس
صعب أوي بس علئ رأي المثل
يموت المعلم ولا يتعلم أصله كأن بيتعلم عند ناس مش عارفين يعني إيه أصل
كلام آخر الليل
