الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

يا رمل سينا..بقلم الأديبة الشاعرة : نهى حمزة

الأديبة الشاعرة : نهى حمزة.

سينا ورملك دهب
يا غالية الغاليين
ويا رب يفضل دهب
ينبت زتون مع تين
وما على نجومك عتب
لو مر ليلها حزين
نورك عليها غلب
بتجلي رب العالمين
يا هضبة التيه ويا جبل حيطان
يا قلب سينا يا لهب
تلهب عيون عميان
على عدوك ترمي شهب
ويهربوا الغربان
ومن الحلال للطور
كتبوا حبايب الروح
أربع حروف فى سطور
كانت ملاحم شرف
وإسمك يا سينا جوه الصدور
لا كلام ولا بوح
مهرك يا حلوه كان غالي
يا رمانه مكسوفه
فى شجره للسما مكشوفه
ونخلك فى السما عالي
يارب يفضل فى عز وهنا
مزينه رطب
من خيرك بيحلالي
سينا ورملك دهب
يا غالية الغاليين
ويا رب يفضل دهب
ينبت زتزن ومع تين
بقلمى : نهى حمزة

- Advertisement -

قد يعجبك ايضا
اترك تعليق

يرجي التسجيل لترك تعليقك

شكرا للتعليق