الشاعر اسكندر عوض
تعالى اضربلك الودع
تعالى احكيلك يا جدع
تعالى اقولك احلى كلام
تعالى و اسمع البدع
واحد حب ماطلشى
واحد راح مرجعشى
واحد بيضحك فرحان
وواحد تعبان وجع
تحب احكيلك ايه كمان
واققولك ايه عن الانسان
احكيلك عن صاحب خاين
وصاحبه فيه انخدع
ولا احكيلك عن حياه
كل مافيها الالام
كل ما فيها دموع
كل ما فيها وجع
تحب تسمع ايه كمان
ولا تعبت من السمع
تحب اقرألك من كتاب
ولا اضربلك الودع
