ملح الارض

فهى مقتطفات من كلمات صاغها لنا شعراء مبدعيين على اوتار الكلمات محلقين
ولنبدئها بقارئه الفنجان للشاعر على سالم

قارئة الفنجان
…………….
…………….
اتَيتُكِ سيدَتِى والقَلبُ منكِ واجفِ
احكيكِ ما وَرَدَ بحياتِى ومنهَا خَائِفِ
فتملقِى بِفنجانِى وفَسِرِى
ما بالَ حُبِى في ارقٍ ينزِفِ
قَالتْ اخبِرنِى ولا تُخْفِ
قُلتُ سيدَتِى
جَعَلتُ من حياتِى قَصِيدَةٍ
لِكُلِ منْ يقرؤها يَنْتَصِبِ وَّاقِفِ
يَزْرُفُ ادْمُعَهُ بِلا مبرِرٍ
والحزنُ يكمُنُ بِّصَدِره يُزَفْزِفِ
فَتَمَلَّقَتْنِى وَأحْجَبَتْ
النظرَّ فِى عَيْنَىَّ لعلهَا تََعْرِفِ
وَرَجْرَجَتْ فِنْجَانِى فِى شَغَفٍ
وقالتْ بحياتِكَ كَثِيرُ مَوَّاقِفِ
هَيَا وَأَكثِر مِنْ حِكَايتِكْ
لعَلىَّ أُرْبِحَ مِنْكَ خَيرِ مَعْرِفِ
فَجَلسْتَ فِى وَجَّلٍ
أَحْسَّسْتُ بِانْكِسَارِ الوَّجْدِ عَّاكِفِ
قُلْتُ لَهَا
تَّمَلَكَتْنِي صَبِيَّةٌ بِحُبِهَا
عُيُونِهَا بِالطَرِيقِ دَّوْماً تُصَادِفِ
فَأَّسْرِىْ وَرَاءَ سَرَابِهَا
فالناسُ تَلُومَنِى وَهىَ لحنٌ أَعْزِفِ
فَتَبَاعَدَّتْ بَينِى وَبَينَهَا سُبُلٌ
والقَلبُ لهَّا يُرْثِى وَّيُؤْسَفِ
واِذَا مَاجَّلتْ بِخَاطِرِى وَّهْلَةٌ
خَارِّتْ الكَلِمَاتُ فِيهَا تُوْصَفِ
قَالتْ أَتُحِبُهَا ؟
قُلْتُ بَلََى !
فَالقَلْبُ مِثْلُ الشَّمْعَةُ بِغَيرِهَا تَنْطَفِ
فَاِذَا مَا أَلَمَّ بِهِ وَبَاءٌ
فَهِىَّ خَيرُ طَبِيبٍ وأَفْضَلُ مُسْعِفِ
فَهِىَّ كَالعُصْفُورِ عَلَى أَغْصَانِى تُرَفْرِفِ
فَطَأْطَأَتْ رَأسِهَا بِاِبْتِسَامَةٌ
تَقِرُ القَلْبِ بِاِحْتِرَامٍ يُؤْلَفِ
فَقَالَتْ عُذْرَاً مِنْكَ يَا وَلَدِى
فِنْجَانَكِ لَنْ يُوْرَدْ بِالصَّحَائِفِ
وأَنَا عَنْ قِرَائَتَهُ !
أَبَدَاً فِى حَياتِى يُصْدَفِ
فَرَجِعْتُ مِنْ عِنْدِهَا فِى أَلَقٍ
لِدُرُوبِ الحَياةُ وَحُبِىْ يَسْتَرْئِفِ
فَوَضَعْتُ يَدَىَّ عَلَىْ قَلْبِى
أَرْثُوا لَهُ وَهُو يَتَّّعَاطَفِ
مَّا بَالُُكَ يَا قَلْبِى
لِّلْحُبِ مَّازِلْتُ فِى تَعَفُفِ
هَيَا وَأَخْبِرْهَا بِحُبٍ لَمْ يَظَلْ
يَّنْبُتُ أَزْهَارَاً قَبْلَ أَنْ تُقْطَفِ
فَمَا الحَيَاةُ اِلاَّ الحُبُ الأَوَلِ
فَأَرْبِحْْ بِهِ قَبْلُ أَنْ يَسْتَّأْنِفِ
كلمات الشاعر / على سالم

ثم كلمات تصيغ لنا معنى الحريه وقيمتها للشاعر وائل الشيخ

قصة حقيقية حدثت لى
——————–

و أنا طـالب طِلعـت فـ دماغى
أسأل عن معنى الحريــة
و أجابنى الأستاذ النبغة
أستاذ فـ لغـتـــنا العربية
إنـــّــك تسمعنى فى الحصـّـة
و عـنـيــــك فـ السـبـــورة داهيــّـة
و فـ مرّة سألنى سؤال و جاوبت
بكل بساطة و عفويـــّـة
و عطيته دليل مالـوهـش مثيل
والثقة كات باينة فـ عنيــّـا
زمجر و اتـشال و صرخ يا عيال
الطالب ده خيبته قويــــّــة
مش مـ المنهج يا هباب الطين
قلت له دى دلائل واقعية
قال لى مطلوب منك تحفـظ
يا حمار و تجـــرّ العربية
و حاولت أقول بأدب مقبول
ما أنا أصلى أصيل التربيــّة
دى إجابة صحيحة يا سيدنا البيه
بالعربى ماهـيـش انجليزية
شــوّح لى و قال بلا لعب عيال
و كتب لى الصفر بعصبية
و المنظر كان قدام الأصحاب
ممســوح بكرامتى الأرضيـة
و أنا أصلى عنيد و دماغى حديد
وكرامتى بترجع بقضـيـــّـة
من يومها يا ناس أصبحت خلاص
طالب كاره للجديـــّــة
ما با أحبش أجاوب أى سؤال
محتاج لإجابة شفـويــّـة
لـ أتهزأ تانى قـصاد الناس
و أنا صاحب فكرة و نظريـة
من يومها كرهت حيطان الفصل
و شنطة كتبى الدراسـية
سـبت المدرسة و نجحت خلاص
و دخلت لمدرسـة ثانوية
و فضل أسلوبى بنفـس الحال
و نجحت و رحت الكلية
=========
و حلفت ما أسيب معـلومة بدون
ما اشربها زى الملوخية
لكن مع نفسى بكل هـدوء
من غير خبراء التربية
و دخلت فـ كل مجال أعرفه
مع نفـسى أتعلم لى شوية
و فـ مرة لقينى مدرس مادة
فـ قسم فـ قلب الكلية
و لقيتنى باقول للطلبة كلام
يـدّيهم ثـقة مش تـقــْـليــّـة
و عرفت يا ناس إن الأستاذ
أصل التفكير و الحريــة
يـدّيك إحسـاس إنك موجود
مش مخبر جاى مـ الداخلية
و لا قافـل بوزه فـ وش اليوم
و غضب ربنا عـ الصـبـحية
عاوز قال إيه يحمينا يا بيه
بحـدود فـ مناهج دراسـية
طب ما أحنا كمان حطـينا
مناهج . لكن كانت عصـرية
تسمح للطالب بالتفكيـر..
لا يشـتّ ولا يخاف مـ الميــّـة
و لا يجرح إيده بموس العلم
و يكرهنى و يشتم فيــّـا
يبقى اللى لقيته فـ قلبى يا ناس
إحساس مظبوط 100%
شاعر بالجهل و بالتعذيب
محطوط فى مناهج دراسية
و تقولوا علينا عبيد جاهلين
و انتـم ساجنين الحرية
حرية ْ إيه اللى احنا نطالب بيها
فـ سجن الحرية ؟
دى الفكرة ..
مجرد فكرة ..
بنعملها قضيــة

وائل عبد الرحيم (وائل الشيخ)

ثم ياتى الحديث عن حب الوطن حب الاتنماء حب الولاء لتراب مصرنا الحبيبه والشاعر وليد هلال

مصــــــــــــــــــــر
مصرالمآذن والقبـاب المقمره مصرالمآثــروالبيوت العامــــره
مصرالعريقةوالشموخ بدربها تزهوبفخرالنشب مصرالظافـــره
مصــرالتعالى والتفاخركنفهـا عـز يصاغ تظل طيبة مفخــره
سبـــــع من الآيات عزأعزها رب الجلال حسانها المتناثــره
شرفت بمقــدم الانبياء أديمها طهريموج تظل مصرمكبـــره
جندالشكيمةوالصددفى أهلهــا غضب الأسود تظل مصرمسطره
طيب القلوب كريمة بمدادهـــا جل العطــاء بلا انتهاء وصــابـره
عبرالقرون بكل نائبة لهـــــا زنــد رجـال فى الخطوب القادره
هم الصلاب هم العقاب سوارها وهم الضـوارى والذئاب هـم الاره
بالويل هم من مس قدرعرينهــا فهى المنية قبـرسل ماجبابـره؟
لاخيرفيمن شد أزره نحـوهـا فهى البــــلاءوالانتهاء المقهـــره
مصرالتى فى مقلتى عـــــزلـها من عــزدين الفاطمى وعنتــــره
أب وأم والخليقـة كلهــــــــــا فالكل مصـرا ميمنـــــات وميسره
النيل ذا الهبـــة العظيمة نيرها الهامها وبهائها المتكبـــــــــــره
ماللتتــارالروم سلهم عزمها سلهم مغـول وسل فلول المقبــره
سلهم ممالك سل أكاسرحظها شلت خطاهم سل عظام الاباطره
للعرب كانت لاتزال حنـــوهـا كالأم تحنـــــو للوليــــد لتسـرره
هى صحوة هى ساعد هى قائد هى عابد لايستهان مسـيطره
هى نخـوة هى مارد هى رائــد هى بصـــمة وبكل حدب قاهــره
هى بالحروب وبالســلام مليكة هى بالثقافة بالعراقة مقمــــــره
هى بالخطوب كبيرة وصبـورة شيم الكرام ومابحلوأيســــــره
هى أمنا أم الحضارة قبــلـــة للكون رغم الحاقـدين العامـــــره
هى بالمساجد والكنائس بهجة هى بالمعابد والنفائس شــاعـره
هى قاهرة مصرالتى من أنتمى سد منيــــع لا يـــــذل ويقهـــــرا
لولم أكن يامصـــرمنك فاننى قد ضاع عمرى فى سبيل الجوهـره
لولم أكن يامصرمصرى أنــــا من أنتمى مصرى قلبى قاهــــــره
للشاعر وليد هلال
.
ثم ابيات تنادى فينا صحوه العروبه ولم الشمل تحت لواء النداء وابيات للشاعر سيد محمد رطب
.. نداء ..

ياعرب. ياعرب والله حرام دموعكوا تفضل على الخدود …

نفسى نبقى يد واحده ونخرج من القدس اليهود …

ويالله نرفع شعار موحد بالتعاون هنحطم أى حاجز أو قيود …

ياعرب . ياعرب والله حرام دمنا بيسيل هدر …

نفسنا نعيش فى سلام ده إحنا فى الدنيا بشر …

ياعرب ياعرب نفسى مره نتحد ده الحق عمره ما يتشحت ..

وإزاى .. إزاى يكون الأقصى ملكنا وحقنا ويبقى يوم بقى حلمنا …

بالله عليكم ده كلام !!!

لحد إمتى ياعرب هنعيش العمر على الكلام …

حان وقت الإتحاد ويلا نمشى للأمام …

ونكتب بدمنا على الصخور إن القدس هتبقى حره …

ولا يمكن هتتكرر تانى حكايه مسكينا الدره …

وبالعزيمه والإصرار وروح عرب موحدين متحدين هنمحى ذل وعار السنين …

ونحررك يافلسطين ويفضل الأقصى علمنا ورمزنا ومزار مزار لكل المسلمين
للشاعر سيد محمد رطب

ونختمها بخير ختام والمديح النبوى للشاعر محمد ابو السعود
عامية عن المدح النبوى

.
.للشاعر محمد ابو السعود
من وحى الدراويش ( مجذوب لسيده)
سبت أنا الدراويش…. يكملوا الختمة ……………وقلت أجيلك …أحكيلك العتمة
يمكن تنورنى…. يمكن تبصرنى ………….يمكن أشوف من راحتك الناعمة
حبيت على عتابك…. حتى التراب شميت ..لاقيته حريرسندسى…. أبهى من النجمة
وغبار تراب زوارك فايح……………شمة عبيرشميت … أنا دوخت من الشمة
لما بأكون وياك ….أنت ورفقاتك …. ……………بأدوب كما السكر مع اللمة
افرد جناحك ياسيدى…. والله واحشنى …….جاى أعترف بالدين… وأقر بالنعمة
ابتسمت أنت وقلت لى ياواد………. خلاص شبعت من الفتة واللحمة
أنا قلت لك ياسيد… واحد من العبيد…. لما شاف ضيك… كل لا شبع… ولا سمى
واشبع ازاى ياالساقى …وأنت كل رفاقى…. واحفادك الحسنين… وامهم فاطمة
وأبوهم المكروم ….كما الأسد كرار….. وابنهم سجاد …طب فيه أجمل من كده رحمة
والصادق الزخار…. والشافعى والباقر…..والبدوى ويا الدسوقى…. ونفيسة النسمة
أنا قتيل حبك …. والله ما أنا ماشى ….. راقد هنا جنبك …..وجسمى فى الزحمة
أتوضا من خمرك…. تسكر جوارحينى…. وأرتل فى حمدك…. تبارك وعمه
أبص لعيونك…. ألاقيها تسحرنى ….وأنم على سيرتك …..محلاها دى نمة
ليه أقعد مع الدراويش….. أرقص واتهزز… لاهناك علم ولا ذوق…. ولا هناك همة
قلت لى اسكت بقى يابجم …خليك هناك فى الخدم …اسقى وأكل ونضف… وأعدل بقى العمة
ليه سبت دراويشك ….يا أهبل دا أنا معاهم ….القصعة فى إيدى…. والابريق والخدمة
و السبحة كام عداد ……والحب مالوش شداد …. والذكر والإنشاد… مش جنة بالذمة
روح يا ولدى… بكرة تكون عندى …..ارجع بقى لمجاذيبك …روح كمل الختمة
الشاعر محمدابوالسعود