الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

مها أحمد تدخل في نوبة من البكاء: «زوجي والدته أتوفت الصبح بالليل كان في المسرح»

- Advertisement -

 

كتبت مني حجازي

 

دخلت الفنانة مها أحمد في نوبة من البكاء على الهواء، أثناء تذكرها معاناة عاشها الفنان إسماعيل ياسين، تزامنًا مع ذكرى وفاة الفنان في 24 مايو.

 

وقالت خلال برنامجها الذي يُعرض على قناة «الشمس»: «الكوميديان مظلوم أوي بيكون عنده مشاكل شخصية في بيته ومضطر إنه أول ما يخرج من بيته ويركب عربيته ده لو كان عنده يمشي يوزع ابتسامات على الناس».

واستكملت: «مطلوب منه يبتسم على طول، ويا سلام بقى لو غلط غلطة هو ميقصدهاش تلاقي سكاكين بتقطع فيه، كأن الناس مستنية دبيحة يحطوها قدامهم وينهشوا فيها، مش بيفتكروا أن الكوميديان ده عبر عن حد مرة أو ضحكهم مرة».

 

وتابعت: «والفنان إسماعيل ياسين كان عنده نقرس وغير قادر على الوقوف على رجله، وكان بيمثل لأن الجمهور ملوش ذنب والمنتج ملوش ذنب، بيبقى أهالينا ميتين الصبح وبالليل بنعرض مسرح، ودا حصل مع جوزي الفنان مجدي كامل والدته توفت الصبح راح دفنها وكان بالليل عنده مسرحية مع نجم كبير أوي الله يرحمه نور الشريف».

 

واستكملت: «ومجدي ماقدرش يعتذر أو يجيب حد بداله لأن فيه نجم سمعته مش هتبقى كويسة لو اعتذر ولأن فيه منتج هيتخرب بيته فأرجوكم واضح أن من زمان أوي مفيش رحمة أرجوكم خليكم حنينين مع الكوميديان افتكروا له أنه بسطكم».

- Advertisement -

قد يعجبك ايضا
اترك تعليق

يرجي التسجيل لترك تعليقك

شكرا للتعليق