الفراق خبط ع الابواب
وقال بتنده سنين الغياب
اشوف وشك بخير
يا أمه ياست الاحباب
قالت يا ضنايا لا تهوب
وعلى الأبواب لا تقرب
ضلام الليل علينا دخل
وهاينعس الكلام والسكوت
ف أحضان ملامح الموت
وانا راضيه بقدري
وهايرتاح يانضري
من قسوة العلل
وجع قلبي اللي شاب
اخر نظره من عنيه عايذه تشوفك
اخر دقة حنيه عايذه تطبطب على كفوفك
اخر مره المره ديه صدق خوفك
ل تعيش باقي عمرك ف ألم وعذاب
لا لا تقرب ولا تهوب على الابواب
يا أمه الأعمار بيد الله
يشفيكي المولى من الاه
سايق عليكي النبي يا أمه ماتكتبي
على سطوري حرووف الغياب
قالت لا تهوب ولا تقرب على الابواب
لحظة الوداع تحت نومتي اتفرشت
ونهاية حياتي حساها اتكتبت
وانا حمداه وانا شكراه
وكل وجع وقولة اه
تغفر ذنب اغفرلي يارب يارب
وكترت اهاتي يانضري
تبقى ذنوبي انشاءالله اتغسلت
والدنيا كدابه كدابه واللي يصدقها
يبقى زيها كداب كداب
سايق عليكي النبي
يا أمه ماتكتبي
على سطوري حرووف الغياب
قالت الموت علينا حق
وكل الخلق ح تموت
واللي يمشي ياقلبي
ف طريق الحق
تنور خارجتة وتترسم فرحتة
ف ملامح الموت
ليلاتي اللي رحلوا حبايب حياتي
شيفاهم وحضناهم بكل اشواق اهاتي
وعرفاهم جايين يخدوني
وف تابوت حضنهم يكفنوني
وادعيلي ياحشايا وافتكيرني ياعيوني
يازرعة عمري الأمر مش بامري
وانا مؤمنه بقدري
وانا حمداه وانا شكراه
ودي آخر حرووف الكتاب
وبعد شهر ماتت
والحنيه معاها ماتت
والطيبه معاها ماتت
بس سيرتها الطيبه عاشت
واتكتبت حرووف الغياب
امي عليها رحمة الله تعالى
ملامح الموت
كلمات على عبدالرحيم محمد
ملامح الموت
