السيسي للمتسائلين عن تطوير التعليم: بنشتغل بشكل متوازن في كل المجالات
وجه الرئيس عبدالفتاح السيسي، حديثه للمواطنين الذين يتساءلون عن جهود الدولة في منظومة التعليم، قائلا «إحنا مسبناش حاجة، إحنا مش سايبين أي مجال إلا ودخلنا فيه، لا تعليم عام أو تعليم جامعي، بس لما تسألني وتقولي طب والتعليم؟ أنا هقولهم طب أخبار تحديد النسل إيه؟».
وأضاف «السيسي»، خلال افتتاحه مشروع الفيروز للاستزراع السمكي، «هطالبكم وتطالبوني، ولا أنتوا تعملوا اللي أنتوا عاوزينه وتقولولي خلص، بنشتغل بشكل متوازن مع شكل قضايانا ومشاكلنا وأهدفنا، منقدرش نسيب قطاع ونقول نركز فيه بس».
وتابع: «بالمناسبة مش هتستحملوا كده، كان بيتقال كتير كده، هنصرف كل مواردنا على التعليم بس، كلام ممكن ينجح في حتت تانية بس في تقديري مينجحش في مصر، لو طالبتني بكل شيء، أنا هطلبك بشيء واحد بس، هقولك لو سمحت النمو السكاني أخباره إيه؟».
