الصياد
؛؛؛؛؛؛؛؛؛؛؛؛؛؛؛؛؛؛؛
بنت الأصول رزق
ستر وسعاده وعشق
وبنت دعوة المظلوم
نكد وحيره وهموم
وأرض كافره بتطرح فسق
من بذرة جاحده ما بتعرف الصدق
انت الجاني يانصيب
ولا القسمه اللي راسمه
دق القلب التايه الغريب
اللي الوجع ف حشاه بيشق
ولا الغيمه اللي عمت قلب الصباد
ورمي الشبك ف بحر العناد
واصطاد دقات الصخر اللي مابترق
فينك ياحبيبة الطفوله
فينك ياصديقة الطفوله
هيه الدقه الفرحه النظره الاولى
هيه الحلم هيه النبض اللي بيدق
شق ياوجع ف حشا الصياد شق
يمكن الموج ف عز هياجانه يرق
بنت الأصول رزق
ستر وسعاده وعشق
النار قايده ف المايه
وكل المراكب بتغني الناحيه التانيه
ومركب الصياد الوحيده الغرقانه
الوحيده التعيسه الحيرانه
بتنده علي ضحكة النهار مش بيرد
الصياد حظه نايم مع أهل الكهف
الصياد عقله مع الضباب هايم وجف
الصياد عايش ب احساسه
مش شايف ولاسامع
غير ألصبر والصدق والاخلاص
اللي حصدهم من أرض ناسه
ف لحظة عطف ورث
وهيه بتحرق شمعة حياته
وحده وحده
وهيه اللي بتزرع المه واهاته
الجاحده الجاحده
فينك ياحبيبة الطفوله
فينك ياصديقة الطفوله
هيه الدقه النظره الفرحه الاولى
هيه الحلم هيه النبض اللي بيدق
شق ياوجع ف قلب الصياد شق
يمكن الموج ف عز هياجانه يرق
بنت الأصول رزق
ستر وسعاده وعشق
على عبدالرحيم محمد
الصياد
