الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

ولا أمبارح

- Advertisement -

ولا أمبارح فوق مراسيها
شال الدنيا بين أعنيه
كان فاكر فى الهوى قناديلها
خطفت روحه شجون جواه
هز دماغه ساعتها و نادى
عل الأفراح ترحل بغناه
ـــــــــــــــــــــــــ،،،،،،
ساعة الحظ فى بحر الليل
تأخد عزم الحيل كوياه
يرسم فرحة بين قواديسها
يخط ذكرى الليل بمناه
و لما ينادى على أحلامه
مر الكأس فى الغربة سقاه
هز دماغه ساعتها و نادى
عل الأفراح ترحل جواه
ــــــــــــــــــــــ،،،،،،،،
شبك أيده بأيد الدنيا
خطى البحر بخطا سيعاه
دندن شوقه رقايق وده
صالح الدنيا على بلواه
ولما الدنيا كسرت حظه
هز دماغه ساعتها و نادى
عل الأفراح ترحل جواه
ـــــــــــــــــــــ،،،،،،،
بينى و بينك سواقى لمسقى
و رحلة طويلة بوجع الآه
راسمة فى مينا حروف أسمينا
رمز هلال و صليب جواه
رحيل الوحده فاض بحنينه
هز دماغه ساعتها و نادى
عل الأفراح ترحل وياه

بقلم / أحمد عزيز الدين أحمد
(شاعرالجنوب)

- Advertisement -

قد يعجبك ايضا

اترك تعليق

يرجي التسجيل لترك تعليقك

شكرا للتعليق