الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

براحة يادنيا

- Advertisement -

بقلم إنتصار حسين
….
براحة يا دنيا
مالك بتجري ليه
في إيه مخبياه
وخايفة عليه
الحزن جربناه
والفرح راح منا وتاه
وادينا عايشين
بنص حياه
بين ابتسامة
……وألف ألف أااه

مالك يادنيا
عايزة إيه
عمالة تهِمي بينا ليه
جريتي وجرتينا وراكي
وتاهت بينا خطاكي
عشمتينا يوم بهناكي
وخليتي بينا
وتوهتينا معاكي
مرة تفرحينا
وكتير تبكينا
كفياكي…. يأستينا

نفسي مرة تحني علينا
نفسي اشوف فيكي
فرحة احلامنا
وأسهر اجمل ليالينا
ليه دايما بالسعادة
تحنسينا….
تمدي البساط
ولما ندوس
تسحبيه من تحتينا
ننصب افراحك شوادر
ونتجهز لليلة عيد
وييجي موجك الغادر
يغرقنا…ويمحينا
ويمسح بالبُكى
فرحة ليالينا
ونفضل لحزنك
دايما عبيد

كفاية يا دنيا
وهدي الخطاوي
معادش يا دنيا
نفسنا طويل

دوبنا معاكي
ودابت قلوبنا
جرينا وراكي
مشوارنا الطويل
جاريين احلامنا
في عز ليلك
شايفين نهارنا
عليها دليل
ومهما يعدي
علينا الليل
هيطلع الفجر
بنوره الجميل
وتشرق الشمس
في حضن الأصيل
وهواك هيحلى
ونسايمك دليل
محبة لكل عليل
….
لكن …لو بطلتي
يادنيا ..لينا
تحرجرينا وراكي مَسير
براحة يا دنيا
وسيبي الفرح
يخطي لينا
ويمحي… ضلام الليل….

- Advertisement -

قد يعجبك ايضا

اترك تعليق

يرجي التسجيل لترك تعليقك

شكرا للتعليق