الشاعر //سعيد حسان ( مصر )
ابن عيلة
إبن عيلة..(هتشوفوه). حاجة.. زي البدر.. آه.. لو تعرفوه
مال …وصحة …وعلم عالي…وبيت ٱصيل….جدو وٱبوه
شكل إبني تمام بحبه وخاف عليه من طبعكم لو تحسدوه
إبن عيلة… و كل عيلته كمان تحبه ويفرحوا..لو هيشوفوه
شكله راجل ….وابن راجل… والحقيقة. كل خلقه. يقدروه
بس ياخسارة سعادتك لو تعامله.. تنصدم.. وتقول.. ياهوه
طبعه حامي و هو راكب فوق دماغنا ..واحنا مالنا… نزلوه
هو ساكن برج عالي فالعلالي والكبير شايفه صغير عرفوه
عرفوا المخدوع.بنفسه إن نفس الناس دي زيه.. لو شافوه
حتى عيلته…..لٱ ….ما فيش راجل في عيلته ….بيعجبوه
دا ابن عيلة ….يعني فرع …..في جدر شجرة ….. بيقلعوه
يبقى ليه …الفرع مايل …فرع مشلول.. يا ناس ما تفهموه
بس قولي ازاي هيفهم واللي في دماغه محال حتغيروه
صوته عالي …( بشكل مقرف )……تكرهوه ….لو تسمعوه
غير ٱبوه .. كان طبعه هادي..والرزانة.. والشهامة …يزينوه
دا ابن عيلة بجد جدا والٱصيل في عيوننا طبعا.. نحفظوه
كان يقول للعم ( يابا ) وابن عمه شيء طبيعي يكون ٱخوه
إيه جرالنا… فين عيالنا هو دينا واحترامنا خلاص… نسوه
لاحترام ٱصبح ما بينهم عملة نادرة… والخجل وياه باعوه
إلحقوهم و إنقذوهم واللي ساب الحبل لابنه…. يمسكه….
يا خلق هووووه
الشاعر// سعيد حسان ( مصر )
إبن عيلة
