كنت بقول لابويا
إوعاك تسيبني يوم
كنت خايف
اكون وحيد
كنت عارف اني
من غيره شريد
كان يطبطب بإيده
على كتفي
ويضحك ويقولي
ده حكم الزمان
جيل يسلم جيل
وانت يا ابني أصيل
إوعاك تخاف م الزمان
وحبي ليك هو بر الأمان
كنت اقول لابويا
إنت سندي
ابويا واخويا
إنت أهلي
وكل اللي ليا
كان يقول..براحة شوية
على قلبك الضعيف
دا انا يا ابني
فيها ضيف
بادعي ربي
اكون خفيف
ويخف حملي
وحسابي يكون لطيف
ادعيلي يا ابني
اقابل ربي
ومشلش ولا ذنب
من ذنبي
ادعيلي اكون هناك مرتاح
منغير ضيق في قبري
ياريته يكون براح
ويخفف لساني بالشهادة
مهي كانت للساني عادة
إدعيلي يا ابني
يصاحبني كلامه
يحميني ويدافع عني
وبنوره يقودني
لجنة الفردوس
ادعيلي بس اكون بالرضا
محظوظ…
وإن كان عليك
متشيلش همي
كفاية عليك
اللي بعدي جاي ليك
يحميك ربي
ويهون عليك الحياه
ولا تتوه فيها أبداً
وييسر ليك بر النجاه
….
ابويا الحبيب
بقلمي انتصار حسين
