كتب امير العربى .
كل مايخص تحليل فيروس كورونا pcr
سؤال و جواب حول تحليل فيروس كورونا للمسافرين للخارج؟
س١ هل التحليل موجود في الفيوم ؟
ج ايوه فى المستشفى العام.
س٢ هل هى معتمدة زى المعامل المركزية؟
ج حضرتك احنا فرع من فروع المعامل المركزية و بتاخد شهادة مختومة و معتمدة فى جميع دول العالم و جميع شركات الطيران.
س٣ التحليل بيتعمل امتى ؟
ج بتعمل قبل السفر بيومين
س٤ شغالين جميع أيام الأسبوع؟
ج ايوه جميع الأيام و فى الإجازات الرسمية برده من الساعة ٩ إلى الساعة ٢ ظهرا .
س٥ بنستلم النتيجه امتى ؟
ج تانى يوم من الساعة ٩ الى ٢ ظهرا .
س٦ ايه الاوراق المطلوبة ؟
ج صورة البطاقة و جواز السفر و إيصال بالرسوم
س ٧ ما هى قيمة الاختبار ؟
ج للمصريين ١٢٦٠ و للأجانب ١٦٠٠ يتم دفعها فى خزينة المستشفى.
س٨ هل الاطفال بيدفعوا برده ؟
ج ايوه يا فندم مادام طلع له جواز سفر منفصل .
س٩ ما هى صلاحية الشهادة ؟
ج كل دولة لها شروط مختلفة أسأل شركة الطيران
س١٠ هل تاريخ الشهادة بيكون تاريخ السحب و لا تاريخ الاستلام ؟
ج الشهادة بيكون عليها تاريخ السحب و تاريخ الاستلام.
س ينفع نستلم فى نفس اليوم ؟
ج للأسف لأ يافندم عشان التحليل بيأخذ وقت طويل على الجهاز .
س ١١ العينة دم ؟
ج لأ مسحة من الأنف
س١٢ المسحة مؤلمة ؟
ج لأ يا فندم بسيطة ان شاءالله
س ١٣ لازم احجز على موقع الوزارة و لا آجى علطول ؟
ج حضرتك تشرفنا من الساعة ٩ إلى ٢ ظهرا بدون حجز .
