الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

بالساهل

- Advertisement -

بالساهل
======
بقى بالساهل العشرة تهون
ليه اللي تحبه تملي يخون
بعد ما كان أقرب ما يكون
بقى دلوقتي بمليون لون

ليه الحب يا ناس ينداس
بقى هو جزاء الإخلاص
بعد ما شلناهم على الراس
باعوا في ثانية فين الاحساس

واه يا دنيا كدة مالك
وايه اللي مغير أحوالك
عمالة ليه تقيدي في نارك
ولا انتي دارية بمرارك

و اه يا دنيا كفاية وحياتك
انا مش قادرة على مفاجأتك
أنا مش عايزة خلاص حاجة منك
يالا شليني بقى من حسابتك

حبايبي لي راحوا وسابوني
بالظلم لي كدة يتهموني
لا وكمان بكولي عيوني
وجوه قلبي اه وجرحوني

كان ليا صاحب مصحبني
على الدنيا كان هو صاحبني
على غفلة سابني ولا صاحبني
وبعده مين انا يصاحبني

- Advertisement -

انا قلبي ليه بس ضحية
دايما بتيجوا كدة عليا
أديتكوا طيبة وحنية
ولا شوفت منكوا إلا قاسية

يا خسارة العشرة الحلوة
دحنا ما بنا حاجات حلوة
غنينا سوا يجي ميت غنوة
واتري كل ده كان غنوة

روحي خلاص مش عايزة انا حاجه
ليكي يا دنيا انا مش محتاجة
قلبي خلاص مفهوش ولا حاجة
والله انا تعبت من كل حاجة

ليه الدنيا كدة عجيبة
مش عارفة ليه حاسة غريبة
و كل شيء يعاند فيا
حتى الدموع كدة في عينيا

خلاص يا دمع متنزلشي
مش عايزة اسمع معلشي
والكل هيبص في وشي
ويروح ويبعد وهيمشي

وانت اللي تفضل ويايا
شايل حمولي وقاسيا
في الفرح والحزن معايا
وفي الجرح انت اللي دوايا

2020 /11/9
:
#ماجدة_البهيدي
:

- Advertisement -

قد يعجبك ايضا

اترك تعليق

يرجي التسجيل لترك تعليقك

شكرا للتعليق