اسير العيون
………………..
أسير غرامك
توهت أنا جوا العيون
ويا ريته يطول سجني أنا
ما أحلا السجون ..
من نظرة واحده إنشغل
قلبي بجنون ..
سهران في رقه ضحكتك
والرمش جارح ..
والحلم قرب يكتمل
في هناك وسارح …
هرسم في قلبين جوا مني
عليك شهود ..
مراسيلي دبلت عطرها
ولا فيش جواب ..
وفى كل مرة بنتظر
منك عتاب ..
مسحور بكحله ليله غرام
بان قلبه غايب
وراضي تشاغله نظرتك
وما لهش نايب
يا تفك حبسي من غرام
أسراه عيونك ..
يا تسيبني عاشق له أمل
توفي بوعودك …
وأعيش في حلمك وأنتظر
دقات وجودك ..
وأنا قلبي راضي يتسجن
خارج حدودك ..
وهداري إحساس جوا مني
بشوك صدودك ..
تسمع عذابي وحزني لما
ينتفض قلبك يعود ..
لا الليل هيسمع شكويتي
رفضك سدود ..
جوايا لسه فيه أمل
اكيد محتمل عندك ردود
هستني بكره بشمس طله
تكسي قلبك بالدفا
والخوف وناره تنطفى
لاغيه الحدود ..
جرب تنادي هتلاقيني
في إنتظارك ..
وقلبي حاضن ضحكتك
امله في وصالك ..
بقلم .. صبري رسلان
اسير العيون
