/ المُهْـرُ الجريح! /
***********
شلال قلق/
ياحبيبتى نازِز ع الجبين
الحلم جوًَايا اتخنق
ليه لمًا بهدى وببتدى/
انسى الجروح
يظهرلى فيكى الف روح
ولمًا برسم ع الورق/شطين/
وجسر / ومدنتين
بلاقينى راسم -افعوان-
ولمًا بمشى ف الغيطان/
فرحان وبضحك للقمر
بلقى البشر ساهم/
بلون مخطوف
ومعادشى بيقابل ضيوف
وبشوف امور لا تُحتمل
ومعادشى باب ف -القرية-
بيفوًت -جمل-
*
فازاى انا المُهر اللى ياما
شال همومك واحتمى بيكى
ح يصهل من جديد؟
وازاى ح اشوف والتوهه/
جوًَايا صفوف
انا نفسى افضفض من زمان
انا المُهر اللى لابد ف المكان
كان له أمانى ف دنيته
وكان بيفرد خطوتـه:رهـوان
*
م بقاش بيفرح بالسفـر,
ولا يلتفت لمًا يغنًُوا للمطر
ليه ياحبيبتى هناك بشر واقف
م بينا وكُلنا مش داريانين
,ان الـسنين جارت علينا
وان فيه توهه / وخطر
المُهر نخً لكنًُه لسًه مخبًى
جوًه أنينه حلمه ولهفته!
***********
الشاعر/أحمد عفيفي
-مصر-
المُهْـرُ الجريح!
