بقلم الشاعر/محسن رجب جودة
يا طائر الأحزان
خدلك كمان لفة
وأبعد بعيد عننا
ده الحزن متخفى
شربته بالمعلقة
وأنا لسه ف اللفة
يا طائر الأحزان
يا ساكن العالي
أبعد بعيد عن هنا
سيبني أنا ف حالي
ده الحزن هد العضم
خلعت أنا أسناني
يا طائر الأحزان
بطل نواح الليل
ده النوم خاصم عيوني
سهرت أنا بالليل
ده الحزن غير ملامحي
وأنا حزين بالليل
يا طائر الأحزان
يا مفرق الغاليين
كتر الجراح هدنا
والقلب خالي حزين
أبعد بعيد عننا
وجمع الغاليين
وعجبي……
