سهيلة سالم
ماذا قال الارهابى الذى صور فيديو بئر العبد بعد القبض عليه ؟
هدفنا من فبركة الفيديوهات نشر الفوضي والسلبيات بتعليمات من قطر !
قال الإرهابي محمد محمد سعيد عبد الله المقبوض عليه في خلية الإخوان الإرهابية المتخصصة في فبركة الفيديوهات بالإسكندرية:” !
أنا حاصل على بكالوريوس اعلام جامعه القاهرة،
وانضميت للإخوان وانا عندى 12 سنه واشتغلت في اللجنة الإعلامية للأخوان من 2011 حتى 2013 وتوقفت بعد كده، في الفترة الأخيرة ،
وتلقينا تعليمات وتكليفات من قيادات الاخوان بالخارج في قطر وتركيا وبعتولنا فلوس لإنتاج فيديوهات، استأجرنا شقة واسسنا استديو والمقر دة كان مقر لجنة الإنتاج الفني التابعه للجنة الإعلامية للإخوان المسلمين في الإسكندرية وكان معايا 4 وكنت انا المشرف عليهم، وكنت بقابل الحركى حسن بدر باخد منه فلوس”.
وتابع الإرهابي”:” الفيديوهات كانت عن ملفات كانت عن فيروس كورونا وسد النهضة والملف الليبى كنا بنكتب تقارير وبنسجلها بالصوت وبنغير في الصوت ببعض البرامج وبنركب عليها بعض الفيديوهات والاحصائيات والبيانات وفى الغالب بتكون فيها فبركة في الأرقام ونطلع الموضوع بشكل مقنع للجمهور بحيث اللى يشوفه يحسه حقيقى، وبعد ما بنخلص بنبعت الفيديوهات للقيادات في تركيا وبعد اعتمادهم ليها بيتم بثه على قنوات الاخوان زى مكملين وقناه وطن وقناه الشرق والسوشيال ميديا وقنوات اليوتيوب المختلفه”
وتابع “” الهدف من كده نزيد سخط الناس على النظام من خلال نشر السلبيات حتى يخرج الناس في مظاهرات ضد النظام، والمستفيد الوحيد هم الاخوان”.
