…………….
لو بالدموع
ممكن نرجع في اللي راح
كنا بكينا العمر كله
لا أشتكينا
من وجع
ولا من جراح
جوانا جرح ما إتقفل
فايتاه فى غيابك …
في ريحه وجودك وسطنا
في توبك وشالك ..
آااااه وآااااه من وجع
فرقه مكانك ..
و دموعي مين هيحسها
ويفتح لي بابك
ألم الفراق جمره عذاب
بين الضلوع
إحساس وجع
بنطفي ناره بالدموع
مين اللي فينا ما حسهوش
ولا داق مراره ..
ده الصبر فاتنا في حزننا
وقفل بيبانه …
أحبابنا كانوا جنبينا
وفى لحظه غابوا
كان بيت مضلل بالهنا
ببركه وشوش ..
كان يا ما كان
نقعد سنين ما نوفهوش
ما خلاص وراحت بسمته
وقلوبنا تاهت ..
جاه الوقت حسينا الندم
بقى لونا باهت ..
والغربه طالت
عن السند والسن جار
ألأااااه بقولها
وجوا مني شروخ جدار
محرومه روحي جنتك
داب غصني مال ..
صعبان عليا
كنت يوم عنك بعيد
ده أنا يا أمه قلبي بيعشقك
انا مش حديد ..
والضحكه غابت جوا مني
ما عدش عيد ..
يا ريت دموعي ترجعك
وابوس قدامك
واشيل ترابك جوا عيني
وده مقامك
واحشني حضنك صدقيني
وتوب حنانك ..
مشتاق أحس بالدفا
في ريحه مكانك …
وأمان وجودك يا أمايا
لو طرف شالك ..
قلبي إتوجع خوفي ورجع
من بكرة تاني ..
كان همي كله بتحمله
وتشيل مكاني
في فراقها زاد يجي مرتين
غرقان لحالي
ونسيم وجعنا إبتدأ
وربيعنا خالي …
بقلم .. صبري رسلان
نسيم الوجع
