الجمهورية اليوم دوت كوم
موقع اخباري شامل اخبار عربية وعالمية وظائف اهرام الجمعة خدمة الاسعار

ازاي تعرف ابن الأصول ؟؟

- Advertisement -

كلمات.. محمد شومان
عمره ما ينكر فضل حد بعد فضل ربنا عليه أو ينساه ..
بيفضل باقي على العشرة لحد آخر لحظة وبيعمل كل اللي عليه وزيادة ..
مبيردش الأذي بالأذي ..
وقت الشدة لو احتجته لازم هتلاقيه ويمكن من غير ما تطلب كمان هتلاقيه قدامك ..
بيساعد الكل من غير اي مصلحه تعود عليه ..
ابن الأصول كرامته عنده رقم 1 ومستحيل هيقبل اي إهانة .. ونفسه عزيزة عليه فوق ما خيالك ممكن يوديك ..
ابن الأصول بيعرف يعتذر ولو غلطان مش بيستكبر ويقول انا آسف وغلطت فعلاً وغلطه مبيكرروش
#ابن الأصول كلمته واحدة ? لما يقولك هعمل صدقه ..
ابن الأصول ضميره من جواه بيتحكم فيه ومبيسلمش ودانه لحد ..
ابن الأصول صاحب صاحبه جدا .. مستحيل يبيع صاحبه علشان مصلحته ..
ابن الأصول حد جدع بالفطرة.. الطيبة ملازماه ..
ابن الأصول ملوش في اللت والعجن وكتر الكلام وشغل الستات..
ابن الأصول بيعرف يعاتب مرة واتنين وثلاثة علشان مش من طبعه انه يفرط في حد بسهولة ..

بس لما بيفرط ربنا ما يوريك عمرك ما هتعرف ترجعه تاني ورغم كده عمره ما يتكلم عنك بعد مابيبعد ..
ابن الأصول ملوش في الحوارات بيقولك في وشك اللي هو عايزه .. وأيه اللي ينفع وأيه اللي مينفعش..اللف والدوران مش سكته
#ابن الأصول عزيز وله بدل العزيز عزيز واتنين مش زي غيره مالوش غالي ..
ابن الأصول لو اتظلم عمره ما يظلم بيسيب ربنا يجيبله حقه ..
ابن الأصول يصفي بسرعه لو لقاك شاري وينسي بسرعة لو لقاك بايع ..
#ابن الأصول يحب الخير لغيره حتي لو مش هيطول من الخير دة حاجة .. ويفرحلك من قلبه بجد ..
ابن الأصول عينه شبعانه عمره ما يبص في رزق غيره ولا يبص في حياة غيره ..
#ابن الأصول بيقدر ويحترم أبسط واقل حاجة حلوة بتعملها معاه ..
ابن الأصول مبيعرفش يخون ولا يغدر ولا يجرح ولا يستغل فرص ولا يستغل حد ..
#ابن الأصول صاحب الكل ..
ابن الأصول ميعديش عليه واجب .. ويديلك حقك من غير ما تطلبه ..
ابن الأصول يديلك اللي محتاجة عادي جدا .. ويطلع من جيبه لحد اخر قرش معاه .. مبيفكرش في نفسه وبس ..طبعه وأصله الكرم ..
ابن الأصول مهما كان ناجح أو عنده كتير .. أخلاقه غلباه .. يعرفش يتغر علي خلق الله ..
ابن الأصول بيسيبك لوحدك تعرف الفرق بينه وبين غيره ..
ابن الأصول جواه رحمة وعدل ..ودايما بيحط نفسه مكان غيره ..
ابن الأصول مش المشهور أو اللي بيلبس برندات .. ولا اللي معاه فلوس .. ولا اللي راكب عربيات وساكن في أحلي الأماكن .. ولا اللي كان عيلته حتي فيها بشوات .. ولا اللي بياكل بالشوكة والسكينة وبيتكلم لغات
ابن_الاصول هو اللي متربي علي الأصول “..
ابن الأصول
مش منصب ولا جاه ..
ابن الأصول اللي بيعمل الأصول ??

- Advertisement -

قد يعجبك ايضا

اترك تعليق

يرجي التسجيل لترك تعليقك

شكرا للتعليق