بالفديو : قصيدة (حكاية .... إنسان )

كلمات الشاعر/ إسلام عصام

ماشى فى الشوارع. ….. . بتفرج ع البيوت
شايف الحزين……… …..وشايف المبسوط
وفى زحمه ناس كتير شوفت راجل كبير
دموعه نازله على خده ومنظره ملهوش تفسير
قولت اساله ماله ويا ترى ايه سبب بكاءه
قالى قولت اسافر. شوفت الذل وكل عذابه
قولتله احكيلى حكايتك
قالى هحكيهالك
هى حكاية انسان. عاش يحلم بالامان
ويبنى بيت واسره ويعيش فى سلام
فكر انه يسافر ويبدأ يبنى حياته
زى كتير مننا فكر. وكتير منهم ماتوا
سافرت وقولت اجرب. يمكن الاقى جديد
لاقيت هناك العيشه اصعب
يمكن اقسى من الحديد
ورجعت من غير ولا حاجه لكنى مستفيد
ان طول ما معايا ربى اسيب ليه الحزن يزيد
ياما سافرت كتير. ولفيت بلاد وبلاد
بس لا حيله فى الرزق ولا شفاعه فى الممات
رزقى عندى ربى. هو ال عالم بيا
ومسيره يوم يجيلى. بس يجى الدور عليا
لما ندعى ربنا ونرفع ايدينا للسماء
ونقول يا رب انت. المجيب للدعاء
صدقنى بجد يابنى الرزق فى اى مكان
بس احنا نقوم ونسعى. فى اى مكان وزمان
وهى دى حكايتى وحكاية كل إنسان