بقلم /السعيد الحديدى
ساب بيته وزوجته وعياله
وسافر .. عشان يكتر ماله
ليه هجرت بلدنا ليه
******************
ليه هجرت بلدنا .. ليه
ليه حرمت الأرض . منك
ياللى رحت وسبت اهلك
والدولار . بقا كل همك
سبت بيتك وسبت ابنك
والتعب … مبقاش يهمك
رحت . علشان . الفلوس
تخدم الى ما يسوى ضفرك
سبت ارضك فى الغيطان
مين يراعيها فى غيبتك
أرضك . اللى . بتناديك
باعلى صوتها ليك تقولك
الف غيرك … يزرعونى
عمرهم … ما يبقوا زيك
بنتك الصغرى .. وابنك
مين يأدبهم … بأدبك
ست بيتك . من . تعبها
جاتنى بالاولاد . وامك
جم قالولى انى. صاحبك
قالولى اترجاك .. واقولك
سيب فلوس الدنيا وارجع
هنى أولادك. .. بقربك
ارجع املى الارض خضرة
وارجع املى البيت بحبك
كان زمان وانتا فى بلدنا
بتعمل اللى يشوفه عقلك
والتعب تنساه .. بسرعة
بابتسامه فى. وش ابنك
ابنك اللى عايزك .. انتا
والحنان بلقاه فى حضنك
والفلوس ما تساوى عنده
انه دايما يبقا .. جنبك
ارجع املى الارض خضرة
ارجع املى البيت . بحبك
السعيد الحديدى
