الشاعر/محمود فرغل
من الاول
عشان نفضل سوي علي طول
عشان مشوارنا عمره يطول
عشان مانجيش في يوم ونقول
ياريتنا ماكنا او نندم
من الاول
حياتنا نعيشها بصراحه
نعاتب بعض بالراحه
نعاهد بعض ولا مره
نقول لو كلمه جراحه
…..
يسامحك قلبي وتسامحي
نعيش ونحب ونضحي
نسيب جرحك نسيب جرحي
ولا نضعف ولا نسلم
من الاول
مانسمعشي لكلام من حد
نغير بس لغيريتنا حد
نعيش يومنا وننسي الماضي
ونرسم حلمنا مع بعض
…..
بلاش نخدع في يوم ونخون
ونبقي لبعض مهما يكون
حكاية شوقنا منها الكون
وكل الدنيا تتعلم
من الاول.
