قصيدة مسيح فالقبر المؤهلة لمسابقة حاكم الشارقة ابداع5 لـ شاعر المنوفية إمام الشافعي
الشاعر امام صبري امام بهجات الشافعي من مواليد محافظة المنوفية مركز الباجور قرية بي العرب , الحاصل علسي العديد من الجوائز في شعر العامية والفصحي يتأهل لمسابقة حاكم الشارقة في موسمها الخامس للجامعات والمعاهد العليا ابداع5
برائعة من ديوانه مسيح فالقبر المنتظر طبعه قريبا
نايم والدم بيرقص
على لحن لبيتهوفن
والروح في غناء
مايكل جاكسون
فتثور فيروز و تقول
( ياليل الصب متى غده)
والغد بعيد
********
بيشاهد فيلم حياتوا الواد
ويقطع لقطاته بتغريد
فيصبر ليله بضحكتها
فيموت الليل
من غيره وحيد
الواد المؤمن بدموعه
بيسيل عالخد
وبيطرح شعر بطول الليل
ويوقف كل سعات الوقت
فتعبيره
ويموت الحيل
فيميل بالقول
هل كان الحزن كما هاجر
فيفجر زمزم بعيونا
ويعود بالميل
ام كنتي حبيبتي كما مريم
والحب مسيح
مصلوب فالقلب
والارض بتول
الوانا اترسمت من طينها
من غير الاب
الارض قبور
مخلوقه عشان تشهد للرب
بعيون الحور
بتعدي سعات الفرح في كرب
ويعود بالذكري ضعيف مكسور
فتحاول تجمع احضنها من غير الهم
فتموت الزرعه في ارض البور
الحب حياه صندوق بالروح عايم في اليم
فعنيها العمر بتفاصيله
من حزن وهم والفرح بكم
وسعاده بتجمع ضحكتنا
وتغيب وتفوت
وحبيبتي دي اول اغنيه
من غير الصوت
فا ازاي من غيرك يا حبيبتي
هلقاني في يوم
وازاي من غيرك يا حبيبتي
انا اكون مبسوط
فيرد عليه مجنون ليلي
لساك مجنون
الحب يا شاعر مش اشعار
الحب جنون
فا بيقفل دفتر اشعاره
بالكاف والنون
وسكوت معجون بضعيف عاجز
في حكايه بتثرد طبع الكون
فا تعود البنت اللي حبيبته
للقبر تنام
ويعود لسريره بتفاصيلها
ويكمل نوم
