الشاعر محمود فرغل
كأنه حلم ومش حقيقه
ثواني ماكملتش دقيقه
اتقابلنا واتعاهدنا
بس بنظراتنا البريئه
كأنه حلم
كنت قبل مااشوفها عايش
ببكي بس علي اللي فات
كنت حاسس اني وحدي
في دنيا مافهاش غير آهات
فجأه وسط الناس لقيتها
لقيت ماضيا كله مات
في لحظة دوبنا من سكات
وعمنا وسط بحور غريقه
كأنه حلم
كل مافيها خدني مني
كأني ماشوفتش قبلها
وهي وبنظرات حزينه
قالتلي علي اللي ف قلبها
نسيت في لحظه مين انا
وهي نسيت نفسها
قولتلها اني بحبها
اه قولتها بأنفاس جريئه
كأنه حلم ومش حقيقه
