أخبار عاجلة
الرئيسية / المزيد / منوعات / إهداء إلى كل الأمهات بمناسبة عيد الأم..

إهداء إلى كل الأمهات بمناسبة عيد الأم..

[ad id=”66258″]

بقلم الكاتب والشاعر الكبير/ محمد صيام

أمي

نبع الحنان أمي
هيا الأمان أمي
هيا اللي دايما فكراني
مين غيرها بقي بيشيل همي
مين اللي كان بيسهر
ويقعد زمان يفكر
ونفسه يغمض عيونه
ويفتح بس لما أكبر
مين اللي دايما يسامح
مهما الكلام يبقي جارح
ومهما أقول مش هوفي
دا حبك ف عرقي سارح
مين اللي كان بيلاعبني
ولو أغلط يرفض يسبني
مين اللي حبه ف قلبي
وشوقه دايما غالبني
مين اللي نفسه أفوقه
وإن غبت بيغيب شروقه
ولما أرجع لحضنه
يبان ف عيونه شوقه
مين اللي ياما ساعدني
ويقولي محتاج لحضني
وأنا اللي محتاج لحضنه
ولحبه دايما واخدني
سامحيني لو يوم اسيت
عليكي او يوم نسيت
لما ضحيتي عشاني
قوليلي سامحتك ياريت
رضاكي زلل صعابي
وفتحلي ببان جنب بابي
افديكي بعمري اللي باقي
وأهديلك زهرة شبابي

[ad id=”1177″] سبيني أتغزل ف وصفك
بقلبي مش بعيني شايفك
لو أعرف أقول شعر فيكي
كان قلمي قال أنه عاشقك
دعاويكي تفتح طريقي
وبتطرد من قلبي ضيقي
انا عمري م نسي لما قولتي
يكفيني شر طريقي
دعاويكي متحرمش منها
وف قلبي دايما شايلها
ودايما بتشيلي همي
انا أضحي بروحي عشانها
والغالي يرخص عشانك
دا كفايه بس حنانك
بيبان من خوفك عليا
فحضنك لامس أمانك
أتجنن لو يوم زعلتي
بهدي لو قولتي سامحتي
رضاكي طمن عيوني
وبإيدك دمعي مسحتي
يارب يخليكي ليا
أنا شايفك أجمل هديه
يكفيني أبص ف عيونك
وأشوف رضاهم عليا

[ad id=”66258″]

Facebook Comments

شاهد أيضاً

المصور الصحفي “زيزو حسونة” يفوز ضمن جائزة أفضل 7 صور لعام 2019

قال تعالى “ قُلْ بِفَضْلِ اللَّهِ وَبِرَحْمَتِهِ فَبِذَٰلِكَ فَلْيَفْرَحُوا هُوَ خَيْرٌ مِّمَّا يَجْمَعُونَ” ننشر لكم …