الرئيسية / المزيد / المرأة والجمال / مي يوسف تكتب .. “طلقني شكرا”

مي يوسف تكتب .. “طلقني شكرا”

[ad id=”66258″]

مؤخرا انتشرت حالات الانفصال والطلاق بكثره ودا بسبب ظروف اجتماعية واقتصاديه وحتي عاطفية وخيانات كمان فكرة الطلاق والانفصال مرعبه فى حد ذاتها بالنسبه للست قبل الراجل …………

الراجل بعد الانفصال والطلاق بيروح يعيش حياته ويصاحب ويخطب ويتجوز تاني عادى وبينسي ام العيال وحتي العيال نفسهم الراجل لما بيطلق الست بيطلق ولادها معاها كمان اللي هما ولاده برضه بس عموما الرجل لما بيبعد بيفضل يبعد خالص ويشيل ايده نهائي من اي مسئوليات اتجااه اي حد قرر يقطع علاقته بيه يعني بالنهاايه الست اللي بتدبس فى قرار الطلاق من اوله لاخره هي اللي بضحي بنفسها ومستقبلها وصحتها عشان تربي العيال اللي ابوهم اتخلي عنهم وقرر يعيش حياته مع حد تاني……….

[ad id=”1177″]

زمان كان الطلاق اصعب حاجه ممكن تحصل للست ولو فى ست قررت تطلق كانت كل الناس بتعارضها وتوقف ضدها وكانها ارتكبت خطيئه كبيره وبرغم التحضر والعصر اللي احناا فيه حاليا مازال الطلاق بالنسبه للبعض خطيئه ناس كتير نظرتهم للست المطلقه مختلفتش كتير عن زمان نفس النظره اللي ديما بترمي اللوم على الست هى اكيد اطلقت علشان مش كويسه هى اكيد اطلقت عشان اخلاقها وحشه هي اكيد اطلقت عشان مهمله فى حق جوزها هى اكيد اطلقت عشان بتعلي صوتها على جوزها هي اكيد اطلقت عشان مش بتخلف والعيب منها ومبررات كتير بنسمعها كلها ضد الست وبتنصف الراجل مع ان قرار الطلاق عند الست بيبقي مبني علي تركمات كتير جدا عمره مابيجي بين يوم وليله الست يوم مابتقرر تنفصل بيكون صبرها نفذ مفيش ست فى الدنيا بتفرح بالطلاق لان احيانا بيكون الست دي استحملت هموم كتير جدا عشان متوصلش للقرار دا بس لكل انسان طاقة لما بتخلص بيوقف لحد هنا مبيقدرش يكمل فى علاقة كل يوم بتستهلك روحه وحياته تفتكر فى الدنيا فى ست هتبقا مبسوطه لما تطلق وهي شايفه ان 90%من المجتمع بيخاف من الست المطلقه وبيعتبروها ست مستهلكه ولازم يبعدوا بناتهم وستاتهم عنها لانها ممكن تضرهم وتفسد اخلاقهم للاسف ثقافة مجتمع متعفن فكريا…..

[ad id=”1177″]

الست المطلقه اوقات كتير بتكون اعظم ست فى الدنيا لما بضحي بشابها وعمرها ونفسها عشان تكبر وتربي ودخل ولادها احسن مدارس وجامعات الست المطلقه اوقات كتير بتكون احسن من اي ست متجوزه لما بتحافظ على نفسها من اي راجل يحاول يقربلها مفيش حد فى الدنيا بيشوها صورة الست المطلقه غير مجتمعنا الشرقي ونظرته المتاخره ديماا كل ست من حقها تطلب الطلاق لو مش مرتاحه فى حياتها كل ست من حقها تطلب الطلاق لو جوزها مبيهتمش بيها ومبيحبهاش كل ست من حقها تطلق لو جوزها بيخونها كل شويه مع واحده كل ست من حقها تطلق لو جوزها منتهي الصلاحية وروتيني فى اسلوبه وحياته كل ست من حقها تطلق لو جوزها معفن ومبيهتمش بنضافته الشخصيه كل ست من حقها تطلق لو جوزها بيقلل منها قدام الناس وديما محسسها بالنقص كل ست من حقها تطلق لو جوزها بيضربها وبيمد ايده عليها وبيعاملها اسوء معامله اوعى تخافي من المجتمع ولا كلام الناس انتي وحدك من حقك تعيشي حياتك ومن حقك تقرري تكملي مع الراجل دا او تقوليله طلقني شكراا …..!!!

[ad id=”1177″]

[ad id=”66258″]

Facebook Comments

شاهد أيضاً

زفاف سعيد لـ”عبد السميع و حسناء” في أبو رقبه بالمنوفية

Facebook Comments