[ad id=”1177″]
شفت الدم . حاجه أتحسر .
و جبال الحزن كساها الهم . الله أكبر .
كان مين يقدر أو بيفكر
أنه لجامع يوم هيفجر
الله أكبر و كانت صرخه حلم “بفرحه” .
كان و أتفسر للي طلبها
الله أكبر لما الصوت هز الروضه
قالوا الروضه خلاص أتفجر
الله أكبر ………..
أيه بيجري و أيه بيحصل
……….
أم بتجري و تانيه أتخضت
و تالته فـ مشيتها بتتعسر
الكل خلاص مش عارف يفكر
دخلوا الروضه شافوا يا عيني
مشاهد سوده فوق السجاد الأخضر .
الله أكبر .
حيطان الجامع أحمر فـ أحمر
دم بيجري فوق المنبر
الله أكبر .
شفت الابن ودمه أتحجر
في حجر الأم . و هيَ بتصرخ
الله أكبر
شفت أخوه جنب أبوه
حتي خرز السبحه الأسمر
بلون الدم .
الله أكبر
شفت يا عيني الخال و العم .
كُله في لحظة غدر أتلم
.. و الام بتصرخ
الله أكبر .
كانت صرخه لكل العالم
حقيقة بتصرخ دم في دم
الله أكبر
شفت الحُرقه و شفت الفُرقه
حاجه أتحسر لقلوب عرفت
كل معاني الهم
الله أكبر .
مين أتجرأ . و جانا و فجر .
و مين كان ليها فكر . دبر .
الله أكبر . #حاجه_أتحسر
[ad id=”1177″]
