الرئيسية / مجتمع مدني / صرخة مواطن / ام تستغيث بوزير الصحة والرئيس السيسي انقذو حياة ابنتي من هذا الامر الخطير ….

ام تستغيث بوزير الصحة والرئيس السيسي انقذو حياة ابنتي من هذا الامر الخطير ….

[ad id=”1177″]

نروي لكم استغاثة ام  جار عليها الزمن والمرض لابنتها ونص الاستغاثة والموجههة لوزير الصحة والرئيس السيسي واصحاب القلوب الرحيمة

“من فضلكم ساعدوني ، دي بنتي “هبة ” وعندها 8 سنين كانت سلمية تماما ومكانش ظاهر عليها أي مرض لحد عمر السنتين

بعد ما تمت سنتين لاحظت إنها بطلت تقدر تمسك بإيديها اللعب فأخدتها لدكتور أطفال كبير في الشرقية اللى نصحني أروح بيها لدكتور مخ وأعصاب …

لفيت على أكبر دكاترة المخ وأعصاب وجميع التخصصات في القاهرة والشرقية ومحدش قدر يشخص مرضها صح اللى يقول إن مفيهاش حاجه واللى يقول أن عندها مرض نادر واللي يقول توحد

[ad id=”1177″]

للأسف بعد كده حالتها ساءت ومبقتش تعرف تمسك أى حاجه ومبقتش تقدر تمشي وفقدت النطق ومبقتش تعرف تتكلم وإيديها بقت طول الوقت تجيب دم من كتر عضها فيها

..

بعد فترة روحت لدكتورة قالتلي إن هبة محتاجة علاج طبيعي وأعطتها دوا والبنت رجعت تمشي تاني لكن فضلت مبتتكلمش ولا بتمسك حاجه بإيديها والدكتورة قالتلي أنا كده عملت اللي عليا ووديها لدكتورة نفسية وعصبية وللأسف الدكتورة اديتها دوا غلط خلى البنت رجعت زي الأول مبتمشيش ورجعت أعيد كل اللي عملته من الأول من علاج طبيعي وتخاطب

آخر دكتور روحتله قالي إن هبة عندها مرض نادر اسمه rett syndrome وهو مرض مبيجيش إلا للبنات بس ومبيبقاش ظاهر على الطفل واداني علاج بجانب العلاج الطبيعي والتخاطب لكن للأسف بدون أى تحسن

..

أنا عملت كل حاجه أقدر عليها وصرفت كل اللي معايا عشان أعالج بنتي ومقدرتش أعالجها ، لو كان اتعرف تشخيص المرض الصح من وهى عمرها سنتين كنت قدرت على تمن علاجها لكن حاليا أنا صرفت كل اللى معايا وبعت تقريبا كل عفش بيتي وبننام عالأرض ومديونة علشان أعرف أصرف على ولادي

[ad id=”1177″]

..

لكن للأسف اضطريت أوقف علاج بنتي هبة والتأمين قدرت أصرف علاج من عليه لمدة شهرين بس لكن لما تمت البنت 6 سنين اتوقف العلاج عالتأمين

..

أنا كل اللي طالباه إن حد يساعدني في تشخيص حالة بنتي أو حد يساعدني إنها تتعالج في مصر أو بره مصر نظرا لأن مرضها نادر جدا . أتمنى إن صوت بنتى يوصل من خلال صفحتكم ويريت تردوا عليا ، انا عارفه انكم بتنزلوا حالات كتير فيريت توصلوا صوتها لكل الناس وللإعلام أو رجال الأعمال أو الجهات السيادية في الدولة ويقدروا يساعدوا بنتى ترجع تمشي وتلعب تانى زي الأطفال”

..

للتواصل معي  وهذه ارقامي

01003105594

01097550831

[ad id=”1177″]

Facebook Comments

شاهد أيضاً

رئيس كهرباء القناة يستقبل الدفعة 28 قادة ويتفقد المحازن المركزية بالإسماعيلية

الإسماعيلية – محمود الدريس   استقبل اليوم المهندس محمد السيد رئيس مجلس الاداره والعضو المنتدب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *