الرئيسية / عاجل / الكون كله جنود مجنده من صنع الله

الكون كله جنود مجنده من صنع الله

 

بقلم/ داليا السيد العربى
الشرقية

في يوم من الايام سنة١٩٧٥ صحيت مدينه في الصين كامله على وجود كلاب بريه مفترسه في مدينتهم ، بتنبح بشكل هستيري مش طبيعي اطلاقاً ..
وطبعاً كلاب بريه مفترسه و مرعبه و مزعجة كانت مشكلة كبيرة .. ماكانش فيه قدامهم غير حل واحد انهم يخلوا المدينه من السكان و بعدين يشوفوا حل في الكلاب دي

٩٠ الف واحد مشيو من بيوتهم بسبب كلاب بريه
متخيلين احساس الناس دي و قد ايه كان نفسها الارض تتشق و تبلع الكلاب المقرفه دي الي كركبت لهم حياتهم
و ده فعلاً الي حصل

. بعد ساعات من خروج السكان قام زلزال كبير جداً في المدينه جابها حقيقي على الارض .. و بعدها عرفوا ان الكلاب البريه دي كانت بتنبح بالشكل ده علشان تنبههم من الزلزال لان اول كائنات بتحس بالزلازل هي الحيوانات

الكلاب دي ربنا حركها في توقيت معين علشان تنقذ ٩٠ الف واحد انهم يموتوا
اتضرروا و كانو شايفين وجود الكلاب في مدينتهم كارثه .. بس في الحقيقه انها كارثة ظاهرها يبدو عذاب لكن باطنها فيه الرحمة
..
في حياتنا كلنا عندنا “كلاب “طول الوقت بتنبح
كلاب بس ممكن تكون في صورة
جوازة مامشيتش
وظيفه ماقدرتش انجح فيها
خسارة فلوس
حادثة عربيه
مرض
صديق خاين
كلام بيتقال عليك
بتنبهنا و بتمنع عننا شر و كلنا زي سكان المدينه متضايقين منها و شايفينها عوائق ..
علشان كدة مفيش احسن من التسليم لإرادة ربنا لحياتك طول الوقت ..
ادعي بالسعادة و الراحة .. مع مين او فين ماتتدخلش برضه وسيبها لربنا هو هيوديك للسعاده الحقيقيه بمعرفته
هو قادر يسخر الكون كله علشان يسعدك و يريحك و يحميك من كل شر،
الكون كله جنود مجندة من صنع الله

Facebook Comments

شاهد أيضاً

تهنئة جريدة الجمهورية اليوم إلى الدكتور محمد فؤاد صالح

سلطانةصالح جريدة الجمهورية اليوم تهنئة مجلس إدارة جريدة الجمهورية اليوم الاستاذ ابراهيم مراد رئيس التحرير …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *