قرأت لك.. للرأي العام وصناع القرار
مصر أولا وقبل أي شىء
قلم عصام فتحى متابعة عادل شلبى مصر الماضي مصر الحاضر
مصر المستقبل مصر البناء والتعمير مصر خير أجناد الأرض
احنا عندنا مشاكل مجتمعية كتير جدا ممكن نستغل أخطاءنا في اصلاحها واستغلالها باصلاح قضايا أخري .
علي سبيل المثال . منظومة التوكتوك
ممكن اصلاح المنظومة بفكر متحضر وتنظيم الموضوع بعد ان انفرض علينا في مجتمعنا وبقي مهم رغم اعاقته وانتشاره بطريقه سريعة وكثرة مشاكله .
احنا ممكن ننظم له مواقف ونتحكم في خط سيره بحدود وانه مايطلعش
من المكان المحدد له وبكده نقدر نتحكم في المنظومه اللي عمله خلل في الطرقات واعاقة مرورية علي مستوي الجمهورية خلاف مشاكله وده اسمه اصلاح أما الاستفادة هو هنشغل أفراد لتنظيم المواقف الخاصه بيهم ونعمل لهم نظام الكارته لكل مشوار علشان نقدر نصرف علي المنظومة ونرتبها ونحافظ علي النظام وفي نفس الوقت المواطن يحس بالأمان ووجود التوكتوك في أماكن خاصة ومحدده وبكده يبقي حافظنا علي التوافق الأمني والنظام العام وشغلنا حشد كبير من الشباب علي مستوي الجمهورية ونحد من مشاكله واعاقته للطريق العام في ظل التطورات الجديده والطرقات الحديثة لأن موضوع التوكتوك بيتوغل مثل انتشار الفيرس ويتم استغلاله في توزيع المخدرات و السلاح الابيض والسرقة والخطف في بعض المناطق أما اذا تم تنظيمه ويسجل كل مكنه في موقفها بكده نقدر نتحكم فيه .
ودي تبقى بداية التنظيم وحل بعض المشاكل المجتمعية وده موضوع يجب البحث فيه وعرضه علي الجيهات المختصة وصناع القرار تحت مسمي الاصلاح والاستفادة من الاستغلال .
وبكدة يكون أول قضية مجتمعية تحركنا في اصلاحها وحلينا جزء من منظومة البطالة .
موضوع للرأي العام
