شعر بنوته صغيرة نقله
وتبناه . عبدالرحمن الغنيمى
سامحينى يا أمى
صحيت من النوم من كام يوم
على صوت أمي من الألم
جريت عليها وبكل لوم
كفاية متحسسنيش بالندم
أنا السبب وجاية ليكى بالعشم
جيت عليكي مع الأيام
حسستك بالعجز قولتى أنا ف منام
قسيت عليكى وأنتى أم الكرم
وبتقوليلى قسوتك نغم
لسه فيكى نفس الحنية
لما كنت فى اللفة ف حضنك مدارية
من تعبى خايفة عليا وسهرانة
تقومى م الخضة مفزوعة وقلقانة
تدعي بالدموع وتصلي ف الفجرية
ضنايا يارب خليه ليا
سامحينى يا أمى عليكى أنا كنت قوية
هيام موسى طاحون
الزوامل . بلبيس . شرقية
