[ad id=”66258″]
سيادة معالي اللواء الوزير / محافظ الشرقية وسيادة معالي المهندس/ رئيس مركز ومدينة بلبيس ورئيس الوحدة المحلية بأولاد سيف محافظة الشرقية ورئيس الوحدة المحلية بالعدلية مركز بلبيس محافظة الشرقية تحية طيبة وبعد الاهالى لهم عند حضرتك مطلبين يافندم وهو تطبيق القانون ومحاسبة المستهترين بحياة الناس وبالمال العام للمواطنين وللدولة المطلب الأول ياريت يافندم نظرة عطف ورحمة بالاهالى فى القرى يطبق على التكاتك فى الأرياف السعر الموحد 5 ج او 10 ج فى حدود 1 او 2 كيلوا لأنهم يقفوا فى مداخل القرى فى النوبة وأولاد سيف وميت ربيعه ويدخلوا بالواحد إلى داخل القرية ب 20 جنيه وطبعا ما فيش مواصلات داخلية وهذا استغلال لظروف الاهالى سواء ها يروح أولاد سيف البلد جوه من المنشية أو عرب الرملية من ميت ربيعه أو نوبة والدهاشنة من مدخل نوبة ع الإسفلت فهل هو الكيلو الواحد او الاثنين كيلوا ب 20 جنيه ؟ مطلب الاهالى تحديد الأجرة للتوكتك والية التنفيذ بالمحليات ومعاينة فعلية لانهم لا ترخيص ولا ضرائب والمسافة لا تستهلك سوى نصف لتر بنزين فقط يبقى ب 20 جنيه ؟ … هذا … استهتار – احتكار – استغلال … وغياب المسئولين عنا
المطلب الثاني
[ad id=”1177″]
ان كوبري عرب الرملية أتكسر والاهالى غلقوه بالخرسانة وتروح تقول للوحدة المحلية بأولاد سيف يقولك تبع العدلية تروح للوحدة المحلية بالعدلية يقولك تبع أولاد سيف وهكذا والكوبري له سنين مغلق بخرسانة لأنه وقع أتكسر أتهدم علما بأنه على مصرف زراعي مكشوف طبعا هو طريق عام شريان الحياة للعرب وسندنهور وميت حبيب والشغانبة من ميت ربيعه مركز بلبيس وكله على الطبيعة ياريت معاينة عليه علما بان تلاميذ مدرسة زايد بعرب الرملية يعبرون عليه يوميا الوافدين من ميت ربيعه والجمالى والشغانبة لأنها مدرسة صغار السن قبل السادسة ياريت حد من فريق الإعداد ينزل يصور على الطبيعة الكوبري وأطفال المدارس والاهالى والتكاتك
هدى الكيلانى … الصحفية بجريدة الجمهورية اليوم
[ad id=”66258″]
